कर्मचाऱ्यांअभावी डोंबिवली नागरी सुविधा केंद्रात जन्म-मृत्यू दाखल्यांसाठी नागरिकांच्या रांगा

जन्म, मृत्यूचे दाखले घेण्यासाठी डोंबिवली परिसरातील नागरिकांना पालिकेच्या डोंबिवलीतील विभागीय कार्यालयात यावे लागते. याठिकाणी नागरी सुविधा केंद्र आहे. या केंद्राच्या माध्यमातून नागरिकांना विहित वेळेत दाखले दिले जातात. पण गेल्या काही महिन्यांपूर्वी डोंबिवली नागरी सुविधा केंद्रातील कर्मचाऱ्यांच्या अन्य विभागात बदल्या झाल्या. नागरिकांशी दैनंदिन निगडित नागरी सुविधा केंद्र विभाग असल्याने या विभागात पालिकेने तातडीने पर्यायी कर्मचारी उपलब्ध करून देणे गरजेचे आहे. अनेक महिने उलटले तरी बदली कर्मचाऱ्यांच्या बदल्यात पर्यायी कर्मचारी उपलब्ध न झाल्याने एकाच कर्मचाऱ्याला जन्म, मृत्यूचे दाखले देण्याची कामे करावी लागत आहेत. यापूर्वी नागरी सुविधा केंद्रात दाखल्यांसाठी गर्दी झाली की दोन ते तीन संगणकांच्या माध्यमातून तीन कर्मचारी ही सेवा देत होते. आता एकाच कर्मचाऱ्यावर हा भार आला आहे. या केंद्रातील एक कर्मचारी आजारी असतो. आजारी असेल तर तो कर्मचारी कार्यालयात येत नाही. तेवढा भार एका कर्मचाऱ्यावर पडत आहे.

आणखी वाचा

‘पीपीएफ’ गुंतवणूकदारांना मिळणार ७.१ टक्क्यांचा लाभ; पोस्टाच्या योजनांवरील व्याजदर सलग तिसऱ्या तिमाहीत जैसे थे!

“आम्ही अमिताभ बच्चन यांना आणून राजेश खन्नाचे करिअर…

प. बंगालमधील पूरस्थिती चिंताजनक; केंद्र सरकार मदत करत नसल्याचा मुख्यमंत्री ममता बॅनर्जी यांचा आरोप

‘आरटीओ’तील संपात मध्यस्थ तेजीत! नागरिकांकडून राजरोस जादा पैशांची लूट सुरू; अधिकारी बघ्याच्या भूमिकेत

तबेल्यांच्या स्थलांतरास विरोध; आरे वसाहतीमध्ये जागा देण्याची दूध उत्पादक संघटनेची मागणी, पालिकेचे सरकारला पत्र

फिटनेस प्रमाणपत्रे नसल्याने हजारो वाहने अडकली; अत्यावश्यक वस्तूंच्या वाहतुकीवर परिणाम

पोक्सोंमधील पीडितांचे जबाब नोंदवण्यासाठी प्रत्येक पोलीस ठाण्यांना तारखा

ग्रामीण अधीक्षकपदी संदीपसिंग गिल; पंकज देशमुख यांची बृहन्मुंबई येथे उपायुक्त म्हणून नियुक्ती

हेही वाचा – कल्याणमधील तरुणीला अर्धवेळ नोकरीचे आमिष दाखवून १० लाखाला फसवले

जन्म, मृत्यूंचे दाखले वेळेत मिळत नसल्याने नागरिकांना नागरी सुविधा केंद्रात हेलपाटे मारावे लागतात. पारपत्र, बँकविषयक कामे आणि इतर कामांसाठी जन्म, मृत्यू दाखल्यांची नितांत आवश्यकता असते. हे दाखले वेळेत मिळत नसल्याने नागरिक नाराजी व्यक्त करत आहेत. पालिका प्रशासनाने डोंबिवली नागरी सुविधा केंद्रातील कर्मचारी वर्ग वाढविण्यासाठी हालचाली कराव्यात, अशी नागरिकांची मागणी आहे.

हेही वाचा – कल्याणमध्ये १२५ किलो बनावट तूप, लोणी जप्त; बाजार परवाना विभागाची कारवाई

नागरी सुविधा केंद्रातील संगणकांचा सर्व्हअर केंद्र शासनाच्या सर्व्हरशी जोडलेला आहे. त्यामुळे कामाचा भार वाढला की सर्व्हअर डाऊन होतो. काम संथगतीने होते. डोंबिवली नागरी सुविधा केंद्रात पुरेसे मनुष्यबळ आहे. मनुष्यबळा अभावी दाखले देण्यास विलंब होत नाही. यामागे तांत्रिक कारण आहे. – प्रमोद कांबळे, सिस्टिम ॲनालिस्ट, संगणक विभाग.