कळवा रुग्णालयातील रुग्णांची गैरसोय टळणार; प्राध्यापक, सहयोगी प्राध्यापक आणि अधिव्याख्याता पदांची भरती प्रकिया सुरू

ठाणे: महापालिकेच्या कळवा येथील छत्रपती शिवाजी महाराज रुग्णालय आणि राजीव गांधी वैद्यकीय महाविद्यालयातील प्राध्यापक, सहयोगी प्राध्यापक आणि अधिव्याख्याता अशी एकूण ७० पदे रिक्त आहेत. या पदांच्या भरतीची प्रकिया ठाणे महापालिकेने सुरू केली असून मंगळवारी पालिका मुख्यालयात इच्छूक उमेदवारांच्या मुलाखती घेण्यात आल्या. यामुळे रुग्णांची होणार गैरसोय टळण्याची चिन्हे आहेत.

आणखी वाचा

तिसऱ्या फेरीत नव्या महाविद्यालयांतील जागांचा समावेश ? सीईटी कक्षाचे संकेत; दुसऱ्या फेरीला ६ ऑक्टोबरपर्यंत मुदतवाढ

४ ऑक्टोबर पंचांग: मेष, वृषभसह ‘या’ राशींवर देवी…

अमरावती : “आम्हाला शिकवू द्या, शाळा बनल्या उपक्रमांच्या प्रयोगशाळा”; शिक्षकांचा उस्फूर्त मोर्चा

कृषी पदवीच्या २७ टक्के जागा रिक्त; नोकरीच्या संधी, पदभरती घटल्याने विद्यार्थ्यांची पाठ

एकच व्यक्ती, एकच वेळी शाळेत मुख्याध्यापक अन् बॅंकेत लिपिकही!

नायर रुग्णालय प्रकरण : वैद्यकीय विद्यार्थिनीच्या लैंगिक छळाप्रकरणी सहयोगी प्राध्यापकाचे निलंबन

प्राध्यापक भरती नव्याने जाहिरात; १११ जागांवर दोन महिन्यांत भरती?

फसवणुकीचा आरोपी प्राध्यापक वीस महिन्यांपासून घेतो पूर्ण वेतन, कारवाई शून्य…

ठाणे महापालिकेचे कळवा परिसरात पाचशे खाटांचे छत्रपती शिवाजी महाराज रुग्णालय आहे. वाढत्या रुग्ण संख्येच्या तुलनेत रुग्णालय अपुरे पडत आहे. हि बाब लक्षात घेऊन महापालिका आयुक्त अभिजीत बांगर यांनी रुग्णालयाची क्षमता पाचशे खाटांवरून १ हजार खाटांपर्यंत वाढविण्याचा निर्णय घेऊन त्यासाठी पाऊले उचलण्यास सुरूवात केली आहे. एकीकडे रुग्णालयातील खाटांची क्षमता वाढविली जात असतानाच, दुसरीकडे रुग्णालय आणि महाविद्यालयात प्राध्यापक तसेच वैद्यकीय अधिकाऱ्यांची पदे रिक्त असून त्याचा रुग्णांना फटका बसत असल्याची बाब पुढे आली होती.

हेही वाचा… घोडबंदरवासियांची रिक्षा संघटनेच्या नावाने प्रवाशांची लूट, मीटरऐवजी दुप्पट रक्कम घेऊन केली जाते प्रवाशांची वाहतूक

कळवा येथील छत्रपती शिवाजी महाराज रुग्णालय आणि राजीव गांधी वैद्यकीय महाविद्यालयातील ७ प्राध्यापक, ८ सहयोगी प्राध्यापक आणि ५५ अधिव्याख्याता, अशी एकूण ७० पदे रिक्त आहेत. हि पदे कंत्राटी पद्धतीने भरण्यासाठी पालिकेने भरती प्रक्रीया सुरू केली आहे. अधिव्याख्याता पदांसाठी इच्छूक असलेल्या उमेदवारांची मुलाखत मंगळवारी पालिका मुख्यालयात घेण्यात आली. तर, प्राध्यापक आणि सहयोगी प्राध्यापक या पदासाठी इच्छूक उमेदवारांची बुधवारी मुलाखत घेण्यात येणार आहे. प्राध्यपक पदासाठी १ लाख ८५ हजार, सहयोगी प्राध्यापक पदासाठी १ लाख ७० हजार आणि अधिव्याख्याता पदासाठी एक लाख रुपये इतके मानधन देण्यात येणार आहे. यानंतर वैद्यकीय अधिकारी, औषध निर्माता आणि क्ष-किरण तंत्रज्ञ या पदांची भरती केली जाणार आहे.