हरिओमनगर, कोपरीतील रहिवाशांचा जीव मुठीत घेऊन प्रवास

ठाणे जिल्ह्यातील पूर्व द्रुतगती महामार्ग अत्यंत महत्त्वाचा आहे. ठाणे, भिवंडी, कल्याण भागातून हजारो नागरिक या महामार्गाने मुंबईच्या दिशेने वाहतूक करत असतात. येथील आनंदनगर जकातनाकाजवळ हरिओमनगर आणि कोपरी येथील बाराबंगला भागाचा परिसर आहे. यातील हरिओमनगर हा मुंबई महापालिकेच्या हद्दीचा भाग आहे. तर बाराबंगला भाग ठाणे महापालिकेच्या हद्दीत आहे. हरिओमनगर परिसरात २६ इमारती असून सुमारे ३५ हजार रहिवासी या भागात राहातात. बाराबंगला परिसरातही मोठी लोकवस्ती आहे. येथील नागरिकांना महामार्गावरून कोपरी, हरिओमनगर परिसरात जाण्यासाठी आनंदनगर जकातनाका समोरील दुभाजकातून रस्ता ओलांडून वाहतूक करावी लागते. परंतु हा रस्ता ओलांडण्याचा प्रकार आता जीवघेणा ठरू लागला आहे. भरधाव येणाऱ्या वाहनांमुळे वळण रस्त्यावरून रस्ता ओलांडताना भीषण अपघात होण्याची शक्यात आहे.

आणखी वाचा

पंजाब प्रांतातील हिंदू मंदिराच्या बांधकामासाठी पाकिस्तान सरकारने मंजूर केला १ कोटी रुपयांचा निधी; ६४ वर्षांनंतर होणार जीर्णोद्धार!

27 October Horoscope : अचानक धनलाभ ते‌ वैवाहिक…

‘ह्युंदाई’च्या समभागांकडे छोट्या गुंतवणूकदारांची पाठ; ‘आयपीओ’त निम्माच भरणा पूर्ण

एसटी महामंडळात ११ हजार कोटींचा गैरव्यवहाराचा संशय… ७० हजार कोटींच्या करारावर…

पुण्या-मुंबईत घरांच्या खरेदीसाठी अच्छे दिन? बांधकाम क्षेत्र काय म्हणतंय जाणून घ्या…

आयुर्विमा कंपन्यांच्या पहिल्या हप्त्यापोटी उत्पन्नांत १४ टक्के वाढ, ‘एलआयसी’ची हिस्सेदारी ५८ टक्क्यांवर

१८ हजार कोटींची तरतूद, ६४ हजार कोटींचे कार्यादेश; सार्वजनिक बांधकाम विभागाच्या कार्यपद्धतीवर कंत्राटदारांचा आरोप

संगणकीय त्रुटींचा बदलापुरकरांना आर्थिक भूर्दंड? मुदतीपूर्वीच वाढीव मालमत्ता कराच्या बिलांचे वाटपाचा आरोप

हेही वाचा… लोकल ट्रेनची गर्दी कमी करण्यासाठी पोस्ट खात्याने घेतला महत्त्वाचा निर्णय

बहुतांश वेळी येथे पोलीस किंवा सुरक्षा रक्षकही उपलब्ध नसतात. परिसरातील रिक्षा चालक देखील जीव मुठीत घेऊन रिक्षा चालवित असतात. मुलुंड टोलनाका परिसरात वाहनांचा भार वाढू लागल्याने आनंदनगर जकातनाका येथे एक टोलनाका उभारला आहे. त्यामुळे या टोलनाक्यावरही वाहने वाहतूक करू लागल्याने वाहतुकीची बेशिस्ती वाढली आहे. हरिओमनगर परिसरातील हरिओमनगर ॲपेक्स बाॅडी फेडरेशन को. ऑ. (होनाफे) या गृहसंकुलाच्या संस्थेने स्थानिक खासदार, एमएमआरडीए आणि मुंबई महापालिकेकडे सातत्त्याने पाठपुरावा केला आहे. संस्थेचे अध्यक्ष साहेबराव सुरवडे आणि सचिव हेमंत पमनानी यांनी सांगितले की, स्थानिक खासदार मनोज कोटक, आमदार मिहीर कोटचा यांनी पाठपुरावा केला. मंत्री दादा भुसे यांनी देखील पाहणी करत मुद्दा वरिष्ठ पातळीवर नेला आहे असे त्यांनी सांगितले. तर, वळण रस्त्यावर तात्पुरत्या स्वरूपात सिग्नल यंत्रणा आणि भुयारी मार्ग तयार करण्यात यावा असे मधुसूदन गुट्टी यांनी सांगितले.

हरिओमनगर परिसरातील समस्येविषयी मुंबई महापालिकेचे अतिरिक्त आयुक्त पी. वेलारसू यांची भेट घेतली होती. तसेच महापालिकेला उपाययोजना करण्याच्या सूचना केल्या आहेत. – मनोज कोटक, खासदार.

महामार्ग ते हरी ओमनगर असा प्रवास करताना प्रत्येक दिवस धोकादायक असतो. आम्ही घेतलेल्या स्वाक्षरी मोहीमेत नागरिकांनी चांगला प्रतिसाद दिला आहे. – आर. के. चिदंबरम, होनाफे.