कडोंमपा विद्युत विभागाच्या कामासाठी सखाराम कॉम्पलेक्स मधील रस्ता आजपासून बंद

डोंबिवली– येथील पश्चिमेतील कोपर भागातील सखारामनगर काॅम्पलेक्स भागातील काँक्रीट रस्त्याने बाधित रोहित्र, वीज वाहिन्या भूमिगत टाकण्याचे काम शनिवार (ता.१९) पासून सुरू करण्यात येणार आहे. या कामासाठी सखाराम काॅम्पलेक्स जवळील रघुनाथ म्हात्रे इमारत ते साई प्लाझा इमारतीपर्यंतचा रस्ता वीज वाहिन्यांचे काम पूर्ण होईपर्यंत पूर्ण बंद ठेवण्यात येणार आहे. वाहन चालकांनी पर्यायी मार्गाचा अवलंब करण्याचे आवाहन, डोंबिवली वाहतूक विभागाचे पोलीस निरीक्षक उमेश गित्ते यांनी केले आहे.