ठाणे : मयुर शिंदे याच्या अटकेनंतर ठाण्यातील राजकारण तापले

काही दिवसांपूर्वी खासदार संजय राऊत यांना जीवे मारण्याच्या धमकीचा फोन आला होता. याप्रकरणात कांजूरमार्ग पोलीस ठाण्यात गुन्हा दाखल करण्यात आला होता. मयुर शिंदे याची गुन्हेगारी पार्श्वभूमी असून त्याला यापूर्वीही ठाणे पोलिसांनी अटक केली होती. ठाण्यात वास्तव्यास असलेल्या मयुर शिंदे याचा दबदबा भांडुप, विक्रोळी भागात अधिक आहे. सुनील राऊत आणि मयुर शिंदे यांचे एकत्र छायाचित्रही विरोधकांनी आता समाजमाध्यमांवर प्रसारित करण्यास सुरूवात केली आहे.

आणखी वाचा

नाराज एकनाथ शिंदेंची भाजपकडून मनधरणी, फडणवीस – शहा चर्चेनंतर मंत्रिमंडळ विस्ताराच्या हालचालींना वेग

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

Eknath Shinde : शिंदे गटाची महत्त्वपूर्ण बैठक संपल्यानंतर एकनाथ शिंदेंची पहिली प्रतिक्रिया, म्हणाले…

उपमुख्यमंत्री एकनाथ शिंदे यांनी रघुनाथ मोरे यांच्या कुटुंबियांचे केले सांत्वन

शिंदे यांनी दिल्लीवारी टाळली ?

सोलापुरात काँग्रेस पक्ष नसून शिंदे काँग्रेस; धवलसिंह मोहिते यांचा आरोप करीत जिल्हाध्यक्षपदाचा राजीनामा

शिवसेनेत फिरती मंत्रीपदे; इच्छुक, नाराजांना थोपविण्यासाठी शिंदे यांचा तोडगा

Eknath Shinde : “कर्नाटक सरकारचा दडपशाहीचा प्रयत्न”, उपमुख्यमंत्री एकनाथ शिंदेंनी सुनावलं

हेही वाचा >>> ठाण्यात सत्ताधाऱ्यांच्या दबावामुळे पात्र नसलेल्यांनाही पोलिस संरक्षण, आनंद परांजपे यांचा आरोप 

मयुर शिंदे याने यापूर्वी काहीकाळ भाजपमध्येही प्रवेश केला होता. त्याला नगरसेवक पदाची निवडणूक लढविण्याची इच्छा होती. पंरतु भाजपने तिकीट नाकारल्याने त्याने राष्ट्रवादी काँग्रेसमध्ये प्रवेश केला होता, अशी चर्चा ठाण्यात होती. खासदार संजय राऊत यांना धमकी प्रकरणात मयूर शिंदे याला अटक झाल्यानंतर पुन्हा एकदा ठाण्यात मयुर शिंदे याच्या नावाची चर्चा सुरू झाली आहे. मयुर शिंदे याच्या फेसबुक खात्यावर भाजप, राष्ट्रवादीचे नेते आणि ठाकरे गटातील आमदार सुनील राऊत यांच्यासोबतची छायाचित्र दिसत आहेत. मयुर शिंदे याच्या अटकेनंतर शिंदे गटाचे प्रवक्ते नरेश म्हस्के यांनी ट्विटरवरून टिका केली आहे.

हेही वाचा >>> डोंबिवलीतील गणेश चौकात वाहतूक पोलीस तैनात

‘कथित धमकी प्रकरणात अटक केलेला मयुर शिंदे हा ठाण्यातील एकमेव सज्जन नेत्याचाही (असे ते स्वत:ला समजतात हा!) खास माणूस आहे, हे म्हणत आहेत ते खरे आहे का ? अशी टिका त्यांनी केली. तसेच या मजकूरमध्ये आमदार जितेंद्र आव्हाड आणि मयुर शिंदे याचे छायाचित्र प्रसिद्ध केले आहे. दुसऱ्या एका छायाचित्रामध्ये मयुर शिंदे याच्या जनसंपर्क कार्यालयावर राष्ट्रवादी काँग्रेसचे चिन्ह आणि नाव आहे. तिसऱ्या एका छायाचित्रात त्याच्या जनसंपर्क कार्यालयाच्या उद्घाटन सोहळ्याची पत्रिका आहे. तर चौथ्या छायाचित्रात मयुर शिंदे याने राष्ट्रवादी काँग्रेसला वर्धापनदिनाच्या शुभेच्छा दिल्या ते फलक आहे. त्यामध्ये राष्ट्रवादीचे अध्यक्ष शरद पवार तसेच राष्ट्रवादीच्या नेत्यांचेही छायाचित्र आहे.