“दिघे साहेबांची समाधी एकनाथ शिंदेंनी बांधली म्हणून तिथे तुमची..”, शिंदे गटाची उद्धव ठाकरेंवर खोचक टीका!

हेही वाचा – आनंद दिघेंच्या जयंतीदिनी राजन विचारेंनी जारी केला खास व्हिडीओ; म्हणाले, “…हीच दिघे साहेबांना गुरुदक्षिणा”

आनंद दिघे यांच्या जयंती निमित्ताने ठाकरे गटाकडून ठाण्यात आरोग्य शिबिराचे आयोजन करण्यात आले होते. या शिबिराचे उद्घाटन उद्धव ठाकरे यांच्या हस्ते करण्यात आले. उद्धव ठाकरे हे त्यानंतर दिघे यांच्या टेंभीनाका येथील स्मारकाला अभिवादन करून जैन धर्मियांच्या एका कार्यक्रमात उपस्थित होते. आनंद दिघे यांचे समाधीस्थळ ठाण्यात बांधण्यात आले. या समाधीस्थळी उद्धव ठाकरे हे ठाण्यात आल्यानंतरही त्यांनी तिथे भेट दिली नसल्याचा आरोप शिंदे गटाने केला आहे.