सोळा वर्षांच्या मुलाचा हृदयविकाराच्या झटक्याने सुरज वॉटर पार्कमध्ये मृत्यू

नालासोपारा येथील नवजीवन स्कूल ऑफ नालासोपारा मध्ये दीपक चंद्रकांत गुप्ता ( वय-१६) हा मुलगा इयत्ता दहावीत शिकत होता. या दरम्यान शाळेची सहल सुरज वॉटर पार्क, ठाणे येथे नेण्यात आले होती. यावेळी दीपकला अचानक चक्कर आली आणि तो जागीच खाली पडला. त्यानंतर त्याला ठाणे येथील सरकारी रुग्णालयात दाखल केले असता मृत घोषित करण्यात आले. शवविच्छेदन अहवालात दीपकला हृदय विकाराचा झटका आला. या प्रकरणी ठाणे येथील कासार वडवली पोलीस ठाण्यात अपघाती मृत्यू अशी नोंद करण्यात आली आहे.

१६ वर्षीय मुलाचा हृदयविकाराच्या झटक्याने मृत्यू झाल्याने त्याच्या नातेवाईकांमध्ये मोठ्या प्रमाणात रोष आहे. एवढ्या कमी वयात हृदयविकाराचा झटका आल्याने दीपकचा नातेवाइकांनी घातपात असल्याचा संशय व्यक्त केला आहे.