खेळ मैदान : टि -२० एकनाथ शिंदे क्लबच्या ‘ब’ संघाला जेतेपद

धावण्याच्या स्पर्धेत सानिका नातेला सुवर्ण पदक
ठाणे : गेल इंडिया स्पीड स्टार २०१६ स्पर्धेत अ‍ॅचीव्हर्स अकादमीच्या सानिका नाते हिने १०० मीटर धावण्याच्या १४ वर्षांखालील गटात सुवर्ण पदक पटकाविले आहे. ही स्पर्धा २ मे रोजी श्री शिव छत्रपती स्पोर्ट्स कॉम्प्लेक्स, बालेवाडी पुणे येथे पार पडली. राष्ट्रीय पातळीवरील स्पर्धेसाठी सानिकाची निवड झाली असून ही स्पर्धा १२ मे रोजी दिल्ली येथे होणार आहे. सानिका ऐरोली येथील सेंट झेव्हियर्स शाळेची विद्याíथनी आहे. तीन वर्षांपासून ती प्रशिक्षक नीलेश पातकर यांच्याकडे प्रशिक्षण घेत आहे.

निधी सिंग आणि अपूर्वा घारगेची युथ नॅशनल अ‍ॅथलेटिक स्पर्धेसाठी निवड
प्रतिनिधी, ठाणे</strong>
महाराष्ट्र राज्य अ‍ॅथलेटिक असोसिएशनतर्फे घेण्यात आलेल्या स्पर्धेत १८ वर्षांखालील मुलींमध्ये निधी सिंग हिने ४०० मीटर अडथळा शर्यत ६० सेकंदांत पार करून पहिला क्रमांक पटकविला. तसेच आपूर्वा घारगे हिने ५.१९ मीटर लांब उडी आणि १०.८९ मीटर तीन उडी मारून द्वितीय क्रमांक पटकाविला आहे. ही स्पर्धा २४ एप्रिल रोजी संत ज्ञानेश्वर क्रीडा संकुल भोसरी, पुणे येथे पार पडली. निधी आणि अपूर्वा यांनी मिळविलेल्या यशानंतर त्या २६ ते २८ मे दरम्यान कलीकत केरला येथे होणाऱ्या युथ नॅशनल अ‍ॅथलेटिक चॅम्पीयनशीप या स्पर्धेत महाराष्ट्रातर्फे खेळणार आहेत. या दोघीही अ‍ॅचीव्हर्स अकादमीच्या विद्याíथनी असून नीलेश पातकर त्यांना मार्गदर्शन करत आहेत.

‘प्रो कबड्डी’त एमजी टायगर्स अव्वल
प्रतिनिधी, ठाणे
कल्याण येथील कोळसेवाडी परिसरातील पोटे मैदानात आयोजित करण्यात आलेल्या ‘कल्याण प्रो कबड्डी’ स्पर्धेच्या अंतिम फेरीत कल्याणमधील एमजी टायगर्स संघाने जेतेपद पटकाविले.१७ गुणांनी पराभव करत एमजी टायगर संघाने विजेतेपदावर नाव कोरले तर संजय टायगर्स संघाला द्वितीय क्रमांकावर समाधान मानावे लागले.
ठाणे जिल्हा कबड्डी असोसिएशन आणि शिवशंकर क्रीडा मंडळातर्फे या स्पर्धेचे आयोजन करण्यात आले होते. यावेळी उत्कृष्ट चढाईसाठी खेळाडू हरेश म्हात्रे यांना तर उत्कृष्ट पकडीसाठी एमजी टायगर्सचे विजय चव्हाण यांना गौरविण्यात आले. तसेच सवरेत्कृष्ट खेळाडू गणेश जाधवला मालिकावीर म्हणून गौरविण्यात आले.

वैभव बनेच्या ३६ धावात ४ बळी
प्रतिनिधी, ठाणे
ठाणे येथील कोपरी भागात नुकत्याच पार पडलेल्या २६ व्या एलआयसी कल्पेश गोविंद कोळी स्मृती आंतर क्रिकेट प्रशिक्षण केंद्र क्रिकेट स्पर्धेच्या पहिल्या साखळी फेरीत ठाणे केंद्राचा वैभव बने याने ३८ धावा आणि ३६ धावांत ४ बळी अशी दुहेरी कामगिरी दाखविली. त्याने माहुल केंद्राविरुद्धच्या सामन्यादरम्यान ही कामगिरी केली. यावेळी एलआयसी ऑफ इंडियाचे विभागीय अधिकारी विवेक पाउल यांनी स्पर्धेचे उद्घाटन केले. ठाणे भूषण तुकाराम सुर्वे, ठाणे केंद्राचे क्रिकेट प्रशिक्षक अतुल फणसे, केतन कर्णिक या प्रसंगी उपस्थित होते.

ठाणे पोलीस ढाल स्पर्धेत आठ संघांचा सहभाग
ठाणे : ठाणे पोलीस ढाल स्पर्धेचे आयोजन दादोजी कोंडदेव क्रीडा संकुलात करण्यात आले असून या स्पर्धेत आठ संघ सहभागी झाले आहेत. त्यामध्ये ठाणे ग्रामीण पोलीस, मुंबई पोलीस, नवी मुंबई पोलीस, ठाणे शहर पोलीस, ठाण्यातील सार्वजनिक बांधकाम विभाग, टेस्ट स्पोर्ट्स क्लब, ठाणे महानगरपालिका व वलुएबल स्पोर्ट्स क्लब या आठ संघाचा समावेश आहे. ठाणे ग्रामीण पोलीस क्रिकेट संघातर्फे ही स्पर्धा आयोजित करण्यात आली असून यंदा स्पर्धेचे दुसरे वर्ष आहे.

आनंद श्री २०१६ शरीरसौष्ठव स्पर्धेचे आयोजन
ठाणे : श्री आनंद भारती व्यायामशाळा आणि ठाणे जिल्हा हौशी शरीरसौष्ठव संघटना यांच्या विद्यमाने जिल्हास्तरीय ‘आनंद श्री २०१६’ या शरीरसौष्ठव स्पर्धेचे आयोजन करण्यात आले आहे. रविवार, १५ मे रोजी सायंकाळी ६.३०श्री आनंद भारती व्यायामशाळा, चेंदणी कोळीवाडा, ठाणे (पू.) येथे पार पडेल. प्रवेशिका सायंकाळी ४ ते ५ या वेळेत स्वीकारल्या जातील.