प्रतिनिधी, ठाणे
५६वी ठाणे अखिल भारतीय ठाणे महापौर चषक शूटिंगबॉल स्पर्धा कळवा येथील यशवंत सायबा क्रीडा नगरीत पार पडली. या सामन्यात पुरुष गटामध्ये चंदिगडने उत्तर प्रदेश संघावर मात केली तर महिला गटात सांगली संघाने हरयाणा संघावर मात करून अव्वल स्थान पटकाविले.महाराष्ट्रराज्य शूटिंग बॉल असोसिएशन आणि नवजीवन क्रीडा मंडळ यांच्यावतीने या स्पर्धेचे आयोजन करण्यात आले होते. २९ एप्रिल ते १ मेदरम्यान झालेल्या या स्पर्धेत संपूर्ण भारतातून ५० संघ सहभागी झाले होते. स्पर्धेतील पुरुष गटाच्या अंतिम सामन्यात उत्तर प्रदेश आणि चंदिगड या संघाची एकमेकांशी लढत झाली. या सामन्यात चंदिगडने उत्तर प्रदेश संघावर मात केली. चंदिगड संघातर्फे सुरेशकुमार व सुरींदर तर उत्तर प्रदेश संघातर्फे हरेंदर यांनी उत्कृष्ट कामगिरी केली. महिला गटात सांगली संघाने हरयाणा संघावर मात केली. या स्पर्धेचे उद्घाटन आमदार निरंजन डावखरे यांच्याहस्ते पार पडले. शूटिंगबॉल फेडरेशनचे अध्यक्ष मनोज सुळे, कोषाध्यक्ष श्यामवीर सिंग, महाराष्ट्र शूटिंग बॉल स्पर्धेचे अध्यक्ष मनोहर साळवी यांच्या उपस्थितीत स्पर्धेतील विजेत्यांना पारितोषिके देण्यात आली.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा