ठाणे: कार घेऊन दरोडा करण्यासाठी आलेल्यांचा प्रयत्न फसला

वागळे इस्टेट येथे दोन कार घेऊन दरोडा घालण्यासाठी आलेल्या एका टोळीतील तिघांना श्रीनगर पोलिसांनी शनिवारी अटक केली. नवीन सिंग (२६), चंद्रकांत पुजारी (३८), विश्वजीत डांगळे (२३) अशी अटकेत असलेल्या आरोपींची नावे असून उर्वरित चार जणांचा पोलीस शोध घेत आहेत. पोलिसांनी त्यांच्याकडून दोन कार, दरोड्यासाठी लागणारे लोखंडी पाने, स्क्रू ड्रायव्हर, चार कटावणी, एक चाकू, मिरची पूड, हातमोजे, मुखपट्टी, टोपी असे साहित्य जप्त केले आहे.