ठाणे : शिळ-डायघर येथील पडले गाव भागात मोटार पुढे जाऊ दिली नाही म्हणून तीन जणांनी राज्य परिवहन सेवेच्या (एसटी) चालकास मारहाण केल्याचा प्रकार रविवारी उघडकीस आला आहे. याप्रकरणी शिळ-डायघर पोलीस ठाण्यात गुन्हा दाखल करण्यात आला असून पोलीस आरोपींचा शोध घेत आहेत.
एसटी चालक गोरख कसबे (५२) हे रविवारी सायंकाळी उरण येथून कल्याणच्या दिशेने बसगाडी घेऊन जात होते. त्यांची बसगाडी डायघर येथील पडले गावात जात असताना एक मोटार चालकाने त्याची मोटार बसगाडी समोर थांबविली. मोटार पुढे जाऊ दिली नाही म्हणून त्याने बसगाडीमध्ये शिरून चालकास शिवीगाळ आणि मारहाण करण्यास सुरूवात केली. त्यास वाहकाने विरोध केला असता, त्यांनाही धक्काबुक्की करण्यात आली.
त्यानंतर त्या व्यक्तीने त्याच्या आणखी दोन साथिदारांना मोबाईलवरून संपर्क साधून बोलावले. त्याच्या साथिदारांनीही चालकाला बसगाडीमध्ये शिरून मारहाण केली. या घटनेनंतर वाहकाने १०० क्रमांकावर संपर्क साधून पोलिसांना याची माहिती दिली. पोलीस येत असल्याचे पाहून तिघांनीही पळ काढला. या घटनेप्रकरणी शिळ डायघर पोलीस ठाण्यात गुन्हा दाखल करण्यात आला असून पोलीस आरोपींचा शोध घेत आहेत.
एसटी चालक गोरख कसबे (५२) हे रविवारी सायंकाळी उरण येथून कल्याणच्या दिशेने बसगाडी घेऊन जात होते. त्यांची बसगाडी डायघर येथील पडले गावात जात असताना एक मोटार चालकाने त्याची मोटार बसगाडी समोर थांबविली. मोटार पुढे जाऊ दिली नाही म्हणून त्याने बसगाडीमध्ये शिरून चालकास शिवीगाळ आणि मारहाण करण्यास सुरूवात केली. त्यास वाहकाने विरोध केला असता, त्यांनाही धक्काबुक्की करण्यात आली.
त्यानंतर त्या व्यक्तीने त्याच्या आणखी दोन साथिदारांना मोबाईलवरून संपर्क साधून बोलावले. त्याच्या साथिदारांनीही चालकाला बसगाडीमध्ये शिरून मारहाण केली. या घटनेनंतर वाहकाने १०० क्रमांकावर संपर्क साधून पोलिसांना याची माहिती दिली. पोलीस येत असल्याचे पाहून तिघांनीही पळ काढला. या घटनेप्रकरणी शिळ डायघर पोलीस ठाण्यात गुन्हा दाखल करण्यात आला असून पोलीस आरोपींचा शोध घेत आहेत.
