ठाणे : नौपाडा येथील महात्मा गांधी रोड परिसरातील इमारतीच्या सदनिकेत रविवारी मध्यरात्री अचानक आग लागली. आग लागताच सदनिकेतील कुटुंबिय घरातून सुरक्षित बाहेर पडल्याने दुर्घटना टळली. महात्मा गांधी रोड परिसरात तळ अधिक तीन मजली इमारत आहे.
हे ही वाचा…कल्याणमध्ये हॉटेलच्या स्वयंपाकीला बेदम मारहाण
या इरतीतील दुसऱ्या मजल्यावरील सदनिकेत तीन जण वास्तव्यास आहेत. रविवारी पहाटे ३.३० वाजताच्या सुमारास त्यांच्या सदनिकेत अचानक आग लागली. आग लागताच तिघेही सुरक्षित बाहेर पडले. घटनेची माहिती ठाणे महापालिकेच्या अग्निशमन दलाला मिळाल्यानंतर पथक घटनास्थळी दाखल झाले. सुमारे तासाभराने आगीवर पूर्णपणे नियंत्रण मिळविण्यात पथकाला यश आले. या आगीत घरातील काही साहित्य जळाले आहे.
