दिवाळी निमित्ताने ॲानलाईन खरेदी करताना नागरिकांनी सावधान. कारण, कमी किमतीमध्ये वस्तू देतो असे सांगून फसवणूकीची काही संकेतस्थळ प्रसारित भामट्यांकडून प्रसारित केली जात आहे. या संकेतस्थळावर गेल्यानंतर व्यक्तीने बँकेची माहिती भरल्यास खातेच भामट्यांकडून रिक्त केले जाते. त्यामुळे अशा फसवणूक होऊ नये म्हणून ठाणे पोलिसांनीही जनजागृती सुरू केली आहे.
हेही वाचा >>>डोंबिवली : ठाकुर्लीमध्ये वृध्देची लूट
सण उत्सवानिमित्ताने नागरिकांकडून मोठ्याप्रमाणात वस्तू आणि कपडे खरेदी केली जातात. दिवाळीमध्ये ऑनलाईन खरेदी करण्याचे प्रमाण हे अधिक असते. याच संधीचा गैरफायदा घेत ऑनलाईन फसवणूक करणाऱ्या टोळ्या सक्रिय होत असतात. व्हाॅट्सॲप, टेलेग्राम, फेसबुक यांसारख्या समाजमाध्यमांवर आंतरराष्ट्रीय कंपन्यांची फसवी संकेतस्थळे किंवा लिंक तयार केली जात असतात. वस्तू कमी किमतीमध्ये मिळत असल्याने प्रलोभनामुळे अनेकदा ग्राहक त्या लिंकवर जात असतात. या लिंकमध्ये पैसे भरल्यानंतर समोरील भामट्यांकडून पैसे उकळले जात असतात. तसेच अनेकदा काही मोठ्या कंपन्यांच्या संकेतस्थळांवरून एखादी वस्तू मागविल्यास त्यांना रिकामे खोके किंवा इतर काहीतरी वस्तू पाठविण्यात आल्याचेही प्रकार समोर आले होते.
हेही वाचा >>>नवी मुंबई, ठाणे, कल्याणमध्ये जोरदार पाऊस सुरू, पुढील काही तास मुसळधार पावसाचा इशारा
येत्याकाही दिवसांत दिवाळीचा मूहूर्त आहे. त्यामुळे नागरिकांकडून पुन्हा एकदा ऑनलाईन खरेदीचा ओढा अधिक असल्याचे दिसून येत आहे. नागरिकांची फसवणूक होऊ नये म्हणून ठाणे पोलिसांनी विविध माध्यमातून नागरिकांना खरेदी करण्यापूर्वी जनजागृती करत सूचना देण्यास सुरूवात केली आहेत.
ऑनलाईन खरेदी करताना काय करावे
१) एखादा संकेतस्थळ सुरक्षित आहे की नाही हे तपासण्यासाठी संकेतस्थळामध्ये ‘एचटीटीपीएस’ ही अक्षरे, कूलूपाचे चिन्ह असणे आवश्यक आहे.
२) एखादी वस्तू खरेदी करताना वस्तू घरी आल्यानंतरच पैसे द्या. म्हणजेच, सीओडीचा पर्याय निवडा.
३) कोणत्याही सार्वजनिक संगणकावरून किंवा सार्वजनिक वायफायवरून वस्तू खरेदी करू नका.
४) गिफ्ट कार्ड संदर्भाचे संदेश टाळावे.
५) प्रत्यक्ष दुकानांत जाऊन खरेदी केल्यास आर्थिक फसवणूक टाळता येऊ शकते.
हेही वाचा >>>ठाण्यात जिवितहानी टाळण्यासाठी आग प्रतिबंधक प्रशिक्षण ; अग्निशमन दलाकडून गृहसंकुलांमध्ये शिबीरांचे आयोजन
सण-उत्सवांच्या कालावधीत नागरिकांकडून मोठ्याप्रमाणात वस्तू खरेदी केल्या जातात. अद्याप फसवणूकीच्या तक्रारी आमच्या पर्यंत आलेल्या नाहीत. परंतु नागरिकांनी ऑनलाईन खरेदी करताना आर्थिक फसवणूक होणार नाही यासाठी सतर्क राहणे आवश्यक आहे. एखाद्या मोठ्या कंपनीच्या संकेतस्थळावरून खरेदी केली आणि फसवणूक झाली असेल तर तेथील मदत क्रमांकावर तात्काळ संपर्क साधावा. तसेच नागरिकांना पोलीस ठाण्यातही तक्रार देता येऊ शकते. – निलम वाव्हळ, वरिष्ठ पोलीस निरीक्षक, सायबर गुन्हे अन्वेषण, ठाणे शहर पोलीस.
