मुरबाड – शहापूर तालुक्यांची उन्हाळ्यात टँकर आणि विंधन विहिरीवर भिस्त, जिल्हा प्रशासनाकडून टंचाईग्रस्त गावांचा उपायोजना आराखडा

जिल्ह्यातील ठाणे, अंबरनाथ आणि भिवंडी या तालुक्यातील गावांना शहरी भाग लागून असल्याने पाणी समस्येची तीव्रता काही अंशी कमी आहे. मात्र शहापूर आणि मुरबाड तालुक्यातील नागरिकांना पाण्याची समस्या मोठ्या प्रमाणात जाणवत असते. या दोन्ही तालुक्यांमध्ये शेकडोच्या संख्येने तुरळक तसेच काही हजार लोकसंख्या असलेल्या गावांचा समावेश आहे. तर यातील या दोन्ही तालुक्यातील एकूण २४ गावांना जिल्हा परिषदेच्या पाणी पुरवठा विभागामार्फत टँकरने पाणी पुरवठा करण्यात येतो. तर उर्वरित गावांना प्रशासनाकडून नळजोडणी, कुपनलिका, विहिरी, तलाव यांसारख्या योजनांद्वारे मिळणाऱ्या पाण्यावर अवलंबून रहावे लागत आहे. मात्र या योजना देखील वेळेत पूर्ण होत नसल्याने प्रामुख्याने शहापूर तालुक्यातील नागरिकांना तीव्र पाणी टंचाई सहन करावी लागत असल्याचे चित्र कायम दिसून येत असते.

हेही वाचा…डोंबिवली एमआयडीसीत कमी दाबाने पाणी पुरवठा, रहिवासी हैराण

जिल्ह्यात काळू, शाई यांसारखी धरण प्रस्तावीत आहेत. मात्र त्याचे देखील नियोजन अद्याप कागदावरच असल्याने पाणी प्रश्नाबाबत कायमस्वरूपी तोडगा निघत नसल्याचे अनेकदा अधोरेखित होत असते. याच पार्शवभूमीवर जिल्हा परिषद आणी जिल्हा प्रशासनाकडून जिल्ह्यातील विविध टंचाई ग्रस्त गावांचे सर्वेक्षण करून जून महिन्यापर्यंत त्यांना मुबलक पाणी पुरवठा करण्यासाठी आराखडा तयार करण्यात आला आहे. यानुसार विविध उपायोजना राबविण्यात येणार असल्याचे पाणी पुरवठा विभागाकडून सांगण्यात आले आहे.

हेही वाचा…टिएमटीचा पर्यावरणपुरक बस खरेदीवर भर, डबल डेकर बसगाड्या खरेदी प्रस्तावित, तिकीट दरात वाढ नाही

कुठे विंधन विहीरी ?

अंबरनाथ तालुक्यातील ८ गावे २६ पाडे
भिवंडी तालुक्यातील ४ गावे १९ पाडे

कल्याण तालुक्यातील ४ पाडे
शहापूर तालुक्यातील ९ गावे ३१ पाडे

( यासाठी ६८.६ लाख रुपयांची तरतूद )

हेही वाचा…ठाण्यातील सेंट्रल पार्कचे नामकरण नमो सेंट्रल पार्क – मुख्यमंत्री एकनाथ शिंदे यांची घोषणा

कुठे टँकर ने पाणीपुरवठा ?

मुरबाड तालुक्यातील २८ गावे ६२ पाडे

शहापूर तालुक्यातील ७२ गावे २०६ पाडे

( यासाठी ४ कोटी ९६ लाख रुपयांची तरतूद ) २४९८