ठाणेकर कोंडीच्या विळख्यात; घोडबंदर, मुंब्रा बाह्यवळण मार्गावर वाहतुक कोंडी

घोडबंदर येथून कापूरबावडीच्या दिशेने क्रेन जात होते. हे क्रेन कापूरबावडी उड्डाणपूलावर आले असता, अचानक बंद पडले. त्यामुळे सकाळी कापूरबावडी ते मानपाडा पर्यंत वाहनांच्या लांब रांगा लागल्या आहेत. काही वाहन चालकांनी ढोकाळी, आर-मॉल, मनोरमानगर येथील अंतर्गत रस्त्यांचा वापर करण्यास सुरूवात केली. त्यामुळे या मार्गांवरही वाहनांचा भार वाढून कोंडी झाली आहे.

हेही वाचा…कल्याण रेल्वे स्थानकाला लवकरच कोंडी मुक्ती, कल्याण पश्चिम रेल्वे स्थानकाजवळील स्मार्ट सिटीची कामे प्रगतीपथावर

तर मुंबई नाशिक महामार्गावर नारपोली वाहतुक पोलिसांच्या हद्दीत खड्डे बुजविण्याचे काम सुरू सोमवारी रात्री सुरू होते. या कामांमुळे खारेगाव टोलनाका ते मुंब्रा बाह्यवळण मार्गावर वाहनांच्या लांब रांगा लागल्या आहेत. त्यामुळे डोंबिवली, नवी मुंबई, शिळफाटा येथून ठाणे, मुंबईच्या दिशेने वाहतुक करणाऱ्या चालकांचे हाल झाले आहेत.