कळव्यात बेकायदा बांधकामांना सहाय्यक आयुक्तांचे प्रोत्साहन ?

बेकायदा बांधकामांच्या तक्रारींवर वेळीच कारवाई केली जात नसल्याने बांधकामे वाढत असून त्याचबरोबर दिखाऊ व जुजबी कारवाई करण्यात येत असल्याने या बांधकामांना अप्रत्यक्षपणे प्रोत्साहन देण्यात येत असल्याचे निदर्शनास येत आहे, असे आयुक्त बांगर यांनी नोटीसमध्ये म्हटले आहे. ठाणे महापालिका क्षेत्रात गेल्या काही वर्षांपासून भुमाफियांकडून बेकायदा इमारती उभारण्यात येत आहेत. या बांधकामांवर कारवाई होत नसल्याने पालिकेच्या कारभारावर टिका होते. राज्याच्या विधानसभेतही शहरातील बेकायदा बांधकामांचा मुद्दा उपस्थित झाला होता. पालिका आयुक्त अभिजीत बांगर यांनी गेल्या काही महिन्यांपासून बेकायदा बांधकामे रोखण्यासाठी प्रयत्न सुरु केले आहेत. त्याचाच एक भाग म्हणून ज्या भागात बेकायदा बांधकामे होत आहेत, तेथील सहाय्यक आयुक्तांवर ते कारवाई करीत आहेत. त्यांनी काही महिन्यांपुर्वी दिवा भागात भुमाफियांकडून उभारण्यात येत असलेल्या बेकायदा बांधकामांवर कारवाई करण्यास दिरंगाई केल्याप्रकरणी दिवा प्रभाग समितीचे सहाय्यक आयुक्त फारुक शेख यांना निलंबित केले होते. या कारवाईच्या निमित्ताने बेकायदा बांधकामाला अभय दिले तर निलंबनाची कारवाई होईल, असाच संदेश त्यांनी इतर प्रभाग समितीच्या सहाय्यक आयुक्तांना दिला होता. असे असतानाही कळव्यात मात्र बेकायदा बांधकामे सुरुच असल्याचे समोर आले आहे. या संदर्भात तक्रारी प्राप्त होताच आयुक्त बांगर यांनी कळवा प्रभाग समितीचे सहाय्यक आयुक्त सुबोध ठाणेकर यांना कारणे दाखवा नोटीस बजावली आहे.

आणखी वाचा

चंद्रचूड यांच्या कार्यकाळात सत्तासंघर्षाचा निकाल लांबणीवर पडणे अतर्क्य ; सिंघवी

Devendra Fadnavis Income : उपमुख्यमंत्र्यांची एकूण संपत्ती किती?…

महाविकास आघाडीतील गोंधळ मंत्री सुरेश खाडे यांच्या पथ्थ्यावरच

नोकरभरतीचा मुद्दा प्रचारात आणणारा काँग्रेस पक्ष तोंडघशी, चंद्रपूर जिल्हा बँकेतील नोकरभरतीला स्थगिती

‘गिग’ कामगारांनी साजरी केली ‘काळी दिवाळी’! त्यांच्या असंतोषाचे कारण काय? सामाजिक सुरक्षेचा लाभ किती?

Ashok Pawar: आमदार अशोक पवार यांच्या मुलाचे अपहरण करून दहा कोटींची खंडणी, अश्लील चित्रफीत प्रसारित करण्याची धमकी

“मरेपर्यंत पस्तावशील, हे लोक तुला…”, भाजपा आमदाराची भर सभेत अरेरावी; प्रश्न विचारणाऱ्यांना कार्यकर्त्यांनी हुसकावलं

“हमीभावापेक्षा कमी दर मिळाल्यास फरकाची रक्कम सरकार देणार,” उपमुख्यमंत्री देवेंद्र फडणवीस यांचे आश्‍वासन

ठाणे

हेही वाचा >>>डोंबिवलीत तरुणावर चाकूने हल्ला

ठाणे महापालिका आयुक्त अभिजीत बांगर यांनी कारणे दाखवा नोटीसमध्ये कळवा प्रभाग समितीचे सहाय्यक आयुक्त सुबोध ठाणेकर यांच्या कारभारावर गंभीर ताशेरे ओढले आहेत. कळवा प्रभाग क्षेत्रातील जय भारत मैदानाच्या शेजारी आठ मजली इमारत अवघ्या चार महिन्यांचे कालावधीमध्ये उभी राहिली आहे. त्याचबरोबर कळवा भागात बेकायदा इमारती उभारणीची कामे सुरु आहेत. अशा तक्रारी नागरिक, लोकप्रतिनिधी, पत्रकार आणि इतर माध्यमातून महापालिकेस प्राप्त झाल्या आहेत. अशा सर्व तक्रारी आपल्याकडे पाठवूनही त्यावर वेळीच कारवाई झालेली नाही. त्याचप्रमाणे कळवा प्रभाग क्षेत्रातील कांदळवन क्षेत्रामध्ये भराव टाकून अनधिकृत बांधकामे होत असल्याच्या तक्रारी प्राप्त होत आहेत. या सर्व बाबी निदर्शनास आणून देऊनही त्याठिकाणी संपूर्ण निष्कासनाची कारवाई झालेली नाही, ही बाब गंभीर असल्याचे बांगर यांनी म्हटले आहे. नगरविकास विभागाकडील शासन निर्णयानुसार बेकायदा बांधकामांना वेळीच प्रतिबंधित करणे अथवा निष्कासनाची कारवाई करण्याची संपूर्ण जबाबदारी सहाय्यक आयुक्तांचीच आहे. या बांधकामांप्रकरणी आपणाविरुध्द शिस्तभंगाची किंवा निलंबनाची कारवाई का करण्यात येवू नये ? याबाबत तीन दिवसांत खुलासा सादर करावा. या मुदतीत खुलासा सादर झाला नाहीतर याप्रकरणी आपणास काहीही निवेदन करावयाचे नाही, असे गृहित धरुन आपल्याविरुध्द शिस्तभंगाची किंवा निलंबनाची कारवाई करण्यात येईल, असे बांगर यांनी स्पष्ट केले आहे.