ठाण्यात बेकायदा नळजोडण्यांविरोधात मोहिम, मुंब्रा आणि दिव्यात ९७ बेकायदा नळजोडण्या तोडल्या

ठाणे महापालिका क्षेत्रात पाणी पुरवठा करणाऱ्या जलवाहिन्यांवरून बेकायदा नळजोडण्या घेण्यात येतात. त्याचा परिणाम शहरातील पाणी वितरण व्यवस्थेवर होऊन टंचाईची समस्या निर्माण होते. या टंचाईच्या झळा नियमित पालिकेची देयके भरणाऱ्या नळजोडणीधारकांना बसतात. याविरोधात तक्रारी येऊ लागताच पालिका प्रशासनाने आता अशा बेकायदा नळजोडण्या खंडीत करण्याची कारवई सुरू केली आहे. गेल्या आठवड्यात, पाणी देयक वसुलीबाबत अतिरिक्त आयुक्त संदीप माळवी यांनी पाणी पुरवठा विभागाचे अभियंता आणि मीटर रिडर यांची बैठक घेतली. या बैठकीत, मीटर रीडरना साप्ताहिक उद्दीष्ट निश्चित करून देण्यात आले. तसेच, अवैध नळ संयोजने खंडित करण्यासाठी कारवाई करण्याचे निर्देश देण्यात आले. अनधिकृत इमारतींमध्ये पाण्याचा वापर सुरू असल्यास त्यावरही गुन्हे दाखल करण्याचे निर्देश अतिरिक्त आयुक्त संदीप माळवी यांनी दिले आहेत. या आदेशानंतर पाणी पुरवठा विभागाने मुंब्रा आणि दिवा प्रभाग समिती क्षेत्रातील भोलेनाथ नगर, खरीवली, देवी नाला, ग्रीन पार्क येथील एक इंच व्यासाच्या ९७ बेकायदा नळ जोडण्या खंडित केल्या आहेत. याप्रकरणी गुन्हे दाखल करण्याची कारवाई सुरू करण्यात आली आहे.

आणखी वाचा

रस्त्यांवर, पदपथांवर उभे राहिले बेकायदा फटाके स्टॉल, कोण आहे जबाबदार!

IND vs NZ : ऋषभ पंतच्या वादग्रस्त विकेटवर…

१३४ कामगारांना मुक्त न करणाऱ्या साहाय्यक आयुक्तांना शिस्तभंग कारवाईच्या नोटिसा, फेरीवाला, अतिक्रमण नियंत्रण पथकातील कामगार बदली प्रकरण

राज्यपालांनी विधेयके प्रलंबित ठेवणे अयोग्य, सरन्यायाधीश चंद्रचूड यांचे मत; ‘संघ राज्यपद्धती बळकट होण्यासाठी न्यायालयांचे मोठे योगदान’

नियम डावलून ‘एमपीएससी’मध्ये प्रतिनियुक्ती? माहिती अधिकार अर्जाला काय दिले उत्तर?

मुंबई : वाहतुकीचे नियम पायदळी, ५५ रिक्षाचालकांविरोधात कारवाईचा बडगा

अग्रलेख : भामटे आणि तोतये…

‘ससून’वरील ताण कमी होणार! अतिरिक्त पोलीस आयुक्तांचे वानवडी, हडपसर पोलिसांना आदेश

हेही वाचा : मुरबाडमध्ये महायुतीतच एकमेकांवर कुरघोडी, भाजप शिवसेनेकडून एकमेकांच्या पदाधिकाऱ्यांची फोडाफोडी

मुंब्रा आणि दिवा प्रभाग समिती क्षेत्रामध्ये कल्याण फाटा येथून ६६० मीमी आणि ३५० मीमी व्यासाच्या मुख्य जलवाहिनीमधून दररोज सुमारे ५७ दशलक्ष लीटर पाणी पुरवठा करण्यात येतो. या मुख्य जलवाहिनीवर काही नागरिकांनी बेकायदा नळ जोडण्या घेतल्याचे निर्दशनास आले होते. या नळजोडण्या खंडीत करण्याची कारवाई करण्यात आली आहे. अशाचप्रकारे संपूर्ण महापालिका क्षेत्रात बेकायदा नळ जोडण्या खंडीत करण्यात येणार असल्याचे उपनगर अभियंता (पाणीपुरवठा) विनोद पवार यांनी सांगितले.