ठाण्यात थर्माकोलचा पुनर्वापर

भेटवस्तू किंवा सजावटीसाठी घरोघरी वापरात येणारा आणि नंतर कचऱ्यात जाणारा थर्माकोल वितळवून त्याचा पुनर्वापर करण्याचे पर्यावरणपूरक पाऊल ठाणे महानगरपालिकेने उचलले आहे. ठाणे महानगरपालिका आणि ‘श्री इन्स्युपॅक’ या कंपनीच्या वतीने सप्टेंबरमध्ये सुरू करण्यात आलेल्या या प्रकल्पात आतापर्यंत शहरातील पाच टन थर्माकोल वितळवण्यात आला आहे. घोडबंदर, मुंब्रा, माजिवडा परिसरातील गृहसंकुलांत आता ओल्या, सुक्या कचऱ्याप्रमाणेच थर्माकोलचेही वर्गीकरण करण्यात येत आहे. दिवसाला ५० किलो थर्माकोल वितळवण्यात येत आहे. आकर्षक वस्तू बनवण्यासाठी या थर्माकोलला लघुउद्योजकांकडून मागणी आहे. हा भारतातील पहिलाच प्रकल्प असल्याचा पालिकेचा दावा आहे.

आणखी वाचा

फेरीवालामुक्त परिसर मोहिमेअंतर्गत पालिकेचा कारवाईचा बडगा

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

बोरिवलीत प्रसूतिगृहाच्या भूखंडावर वाहनतळ; प्रसूतिगृहाची प्रतीक्षाच

शिवाजी पार्क मैदानातील मातीचा धुरळा कधी खाली बसणार?

डोंबिवली मोठागाव-गोविंदवाडी वळण रस्त्यावरील १११० झाडांवर कुऱ्हाड; बाधित झाडांच्या बदल्यात १७ हजार झाडांचे रोपण

नालासोपाऱ्यातील अनधिकृत इमारतीवर कारवाईला सुरुवात, रहिवाशांचा आक्रोश

गोराईमध्ये मोठ्या जलवाहिन्या टाकण्यास सुरुवात; काही गावांमध्ये पालिकेच्या कामाला विरोध

जेएनपीएची हरित बंदराकडे वाटचाल; बंदर परिसरातील प्रदूषण कमी करण्यासाठी विविध उपक्रम

महापालिका आयुक्त संजीव जयस्वाल यांनी या प्रकल्पाठी विशेष आग्रह धरला होता. जमा होणाऱ्या थर्माकोलचे प्रमाण पाहून महापालिकेचे अधिकारीही अचंबित झाले आहेत. गृहसंकुलांत ई-कचरा, प्लॅस्टिक कचरा, उद्यानांतील कचरा याबरोबरच थर्माकोलचेही वर्गीकरण करण्यासंदर्भात पालिकेच्या वतीने जनजागृती करण्यात येत आहे. वागळे इस्टेट परिसरात १५०० चौरस फुटांच्या जागेत थर्माकोलचे विघटन प्रक्रिया केंद्र उभारण्यात आले आहे. घोडबंदर, माजिवडा येथील गृहसंकुलांतील रहिवाशांचा उत्तम प्रतिसाद मिळत असल्याचे ‘श्री इन्स्युपॅक’ या कंपनीचे मालक सौरभ कारखानीस यांनी सांगितले.

पुनर्वापराची प्रक्रिया

थर्माकोलसाठी गृहसंकुलांत पिशव्या वितरित करण्यात येतात. या संदर्भात संपर्क साधण्यासाठी ठाणे पालिकेने ८२९१७३५८९३ हा व्हॉट्सअ‍ॅप क्रमांक दिला आहे. थर्माकॉल जमा झाल्यावर सोसायटीतील प्रमुखांनी या क्रमांकावर कळवल्यास महापालिकेचे वाहन संबंधित गृहसंकुलात जाते. गोळा झालेला थर्माकॉल वागळे इस्टेट येथील प्रकल्प केंद्रात आणला जातो. विजेच्या साहाय्याने तो वितळवून लगदा लघुउद्योजकांना प्लास्टिकच्या वस्तू बनवण्यासाठी वितरित केला जातो. या लगद्यापासून छायाचित्रांच्या फ्रेम, शोभेच्या वस्तू बनवण्यात येतात.

गृहसंकुलांना आवाहन करण्यात येत आहे. जनजागृती परिपत्रक वितरित केले आहे. व्यावसायिकही थर्माकोल घेण्यात येत आहे. या साठी ‘श्री इन्स्युपॅक कंपनी’कडून ३० लाख रुपये खर्च करण्यात आले असून महापालिकेने कंपनीला जागा उपलब्ध करून दिली आहे. यातील नफ्याचा काही वाटा महापालिकेला मिळणार आहे. त्यातून महसुलात भर पडणार आहे.

– मनीषा प्रधान, प्रदूषण नियंत्रण अधिकारी, ठामपा