ठाणे :एसटी चालकाला मारहाण

एसटी चालक नितेश नवकर हे बसगाडी घेऊन तलावपाली परिसरातून जात होते. त्याचवेळी एका टांग्याला त्यांच्या बसगाडीचा धक्का लागला. या घटनेनंतर टांग्याचे मालक फुलचंद आणि नितेश या दोघांमध्ये वाद झाला. या वादातून फुलचंद आणि त्यांच्या दोन मुलांनी नितेश यांना शिवीगाळ आणि मारहाण सुरू केली. याप्रकरणी नितेश यांनी दिलेल्या तक्रारीच्या आधारे गुन्हा दाखल करण्यात आला असून पोलिसांनी फुलचंद यांना अटक केली आहे.