उल्हासनगर: १८ नोव्हेंबर रोजी बेपत्ता झालेल्या एका तीन वर्षीय चिमुकलीचा मृतदेह उल्हासनगर शहरात आढळून आला आहे. उल्हासनगरच्या प्रेम नगर भागातून ती बेपत्ता झाली होती. उल्हासनगर शहरात १८ नोव्हेंबर रोजी तीन वर्षांची चिमुकली बेपत्ता झाल्याची तक्रार पोलीस ठाण्यात दाखल करण्यात आली होती. ती मुलगी उल्हासनगरच्या प्रेम नगर भागातून आपल्या राहत्या घराशेजारून बेपत्ता झाली होती.
हेही वाचा : तलावात तीन मुले बुडाली, दोघांचे मृतदेह सापडले तर, एकाचा शोध सुरु; भिवंडीतील घटना
गुरुवारी हिललाईन पोलीस ठाण्याच्या मागच्या बाजूस असलेल्या कचऱ्याजवळ त्या मुलीचा मृतदेह सापडल्याची माहिती उल्हासनगरचे पोलीस उपयुक्त सचिन गोरे यांनी दिली आहे. मृतदेह सापडल्यानंतर तातडीने शव विच्छेदन करण्यासाठी पाठवण्यात आला होता. चिमुकलीचा मृत्यू नेमका कशामुळे झाला हे शवविच्छेदन अहवाल प्राप्त झाल्यानंतर कळेल, असे पोलिसांनी सांगितले आहे. या घटनेनंतर शहरात एकच खळबळ उडाली आहे.
