झणझणीत, तिखट, क्रिस्पी, कुरकुरीत, गोड, आंबट, ठसका देणारे आणि बरंच काही. ही विशेषणे लागू पडणारा पाणीपुरी हा एकच पदार्थ आपल्या नजरेसमोर येतो. समस्त भारतीयांच्या जिभेवर रेंगाळणारी चव म्हणजे पाणीपुरीची. त्यातही गंमत अशी की, भारताच्या कानाकोपऱ्यात पाणीपुरी आहे. तिची नावं भिन्न, बनवण्याची पद्धत वेगळी आहे तरी संपूर्ण भारतभरात अतिशय चवीने, आवडीने हा पदार्थ खाल्ला जातो. काही पदार्थ घरीच खावे या वर्गातले असतात, तसे काही पदार्थ बाहेरच खावेत आणि या वर्गात पाणीपुरी मोडते. मात्र हल्ली सर्वच जण आपली शरीरयष्टी चांगली ठेवण्यासाठी ‘डाएट’ करतात. अशावेळी बाहेरील खाद्यपदार्थ खाणे पूर्णत: वज्र्य केले जाते. मात्र पाणीपुरी हा असा पदार्थ आहे, ज्याला पाहून मोह आवरणे कठीण होऊन जाते. यावर तोडगा म्हणून कल्याण येथील महावीर भेलपुरी कॉर्नरच्या प्रेम गुप्ता यांनी डाएट पानीपुरी तयार केली असून ही पानीपुरी खाण्यासाठी दूरदूरहून खवय्ये गर्दी करतात.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
