ठाणे : नवी मुंबई येथे पंतप्रधान नरेंद्र मोदी यांच्या हस्ते शुक्रवारी शुभारंभ करण्यात आलेल्या ‘नमो महिला सशक्तीकरण अभियान’ कार्यक्रमासाठी उपस्थित असलेल्या महिलांच्या वाहतुकीसाठी मुंबई महानगरातून ६२३ विशेष बस गाडय़ांची व्यवस्था करण्यात आली होती.  यामुळे शहरांमध्ये बस गाडय़ांचा तुटवडा निर्माण झाल्याने बस थांब्यांवर लांब रांगा लागल्याने प्रवाशांचे हाल झाले. एकूण शहरांमधील सार्वजनिक वाहतूक व्यवस्था कोलमडून पडल्याचे चित्र दिसून आले.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

नवी मुंबई येथे शुक्रवारी पंतप्रधान नरेंद्र मोदी यांच्या हस्ते ‘नमो महिला सशक्तीकरण अभियान’ आणि नारी शक्ती दूत अ‍ॅपचा शुभारंभ करण्यात आला. या कार्यक्रमासाठी ठाणे,   मुंबई, नवी मुंबई, कल्याण-डोंबिवली, मीरा-भाईंदर, भिवंडी, उल्हासनगर, अंबरनाथ, बदलापूर आणि ग्रामीण भागातील महिला मोठय़ा संख्येने उपस्थित होत्या. त्यांच्या वाहतुकीसाठी मुंबई महानगरातून ६२३ विशेष बस गाडय़ांची व्यवस्था करण्यात आली होती.

आणखी वाचा

ठाणे महापालिका परिवहन उपक्रमाच्या ताफ्यात ३३५ पैकी १२५ बस गाडय़ा महिला वाहतुकीसाठी देण्यात आल्या होत्या. त्यातील ७५ बस गाडय़ा ठाणे जिल्हा परिषदेने घेतलेल्या असून त्याचे पैसे ते देणार आहेत. उर्वरित ५० बस गाडय़ा शहरातून सोडण्यात आल्या होत्या. तर २१० बस गाडय़ांची शहरात वाहतूक सुरू असल्याने प्रवाशांचे हाल झालेले नाहीत, अशी माहिती ठाणे परिवहन उपक्रमाचे व्यवस्थापक भालचंद्र बेहेरे यांनी दिली. परंतु शहरात नेहमीपेक्षा कमी बस गाडय़ा रस्त्यावर असल्यामुळे प्रवाशांचे हाल झाले. ठाणे पश्चिम रेल्वे स्थानक परिसरातील सॅटिस पुलावरील थांब्यावर १५ मिनिटे उशिराने बस धावत असल्याने थांब्यांवर प्रवाशांच्या लांब रांगा लागल्या होत्या.

हेही वाचा >>>पंतप्रधान मोदींच्या दौऱ्यामुळे कधी नव्हे ते शक्य झालं…नवी मुंबई शहर आणि परिसरात वाहतूक कोंडी मुक्त प्रवासाचा आनंद

नवी मुंबई महापालिका परिवहन उपक्रमाच्या ४२९ पैकी ११२ बस गाडय़ा महिला वाहतुकीसाठी देण्यात आल्या होत्या; परंतु त्याचा शहरातील प्रवासी वाहतुकीवर परिणाम झालेला नाही, अशी माहिती नवी मुंबई परिवहन उपक्रमाचे व्यवस्थापक योगेश कडुसकर यांनी दिली. मात्र नवी मुंबई शहरात विद्यार्थ्यांची वाहतूक करणाऱ्या बस गाडय़ाही महिला वाहतुकीसाठी तैनात करण्यात आल्याने अनेक शाळांनी विद्यार्थ्यांना सुट्टी दिली होती.

कल्याण-डोंबिवली महापालिका परिवहन उपक्रमाच्या ९० पैकी ४७ बस गाडय़ा, मीरा-भाईंदर महापालिका परिवहन उपक्रमाच्या ८० पैकी १५ बस गाडय़ा महिला वाहतुकीसाठी देण्यात आल्या होत्या. यामुळे शहरांमध्येही प्रवाशांचे हाल झाले.

लोकमान्यनगर भागात राहतो. ठाणे स्थानक परिसरात शिकवणीसाठी येतो. दररोज दुपारी ३.३० वाजता ठाणे सॅटिस पुलावरून लोकमान्यनगरला जाण्यासाठी बस पकडतो. परंतु शुक्रवारी दुपारी ३.१५ वाजता लवकरच बस थांब्यावर आलो; परंतु ३.५० वाजून गेले तरी बस गाडी आली नव्हती.  -रोनक जाधव, विद्यार्थी

नवी मुंबई येथे शुक्रवारी पंतप्रधान नरेंद्र मोदी यांच्या हस्ते ‘नमो महिला सशक्तीकरण अभियान’ आणि नारी शक्ती दूत अ‍ॅपचा शुभारंभ करण्यात आला. या कार्यक्रमासाठी ठाणे,   मुंबई, नवी मुंबई, कल्याण-डोंबिवली, मीरा-भाईंदर, भिवंडी, उल्हासनगर, अंबरनाथ, बदलापूर आणि ग्रामीण भागातील महिला मोठय़ा संख्येने उपस्थित होत्या. त्यांच्या वाहतुकीसाठी मुंबई महानगरातून ६२३ विशेष बस गाडय़ांची व्यवस्था करण्यात आली होती.

आणखी वाचा

ठाणे महापालिका परिवहन उपक्रमाच्या ताफ्यात ३३५ पैकी १२५ बस गाडय़ा महिला वाहतुकीसाठी देण्यात आल्या होत्या. त्यातील ७५ बस गाडय़ा ठाणे जिल्हा परिषदेने घेतलेल्या असून त्याचे पैसे ते देणार आहेत. उर्वरित ५० बस गाडय़ा शहरातून सोडण्यात आल्या होत्या. तर २१० बस गाडय़ांची शहरात वाहतूक सुरू असल्याने प्रवाशांचे हाल झालेले नाहीत, अशी माहिती ठाणे परिवहन उपक्रमाचे व्यवस्थापक भालचंद्र बेहेरे यांनी दिली. परंतु शहरात नेहमीपेक्षा कमी बस गाडय़ा रस्त्यावर असल्यामुळे प्रवाशांचे हाल झाले. ठाणे पश्चिम रेल्वे स्थानक परिसरातील सॅटिस पुलावरील थांब्यावर १५ मिनिटे उशिराने बस धावत असल्याने थांब्यांवर प्रवाशांच्या लांब रांगा लागल्या होत्या.

हेही वाचा >>>पंतप्रधान मोदींच्या दौऱ्यामुळे कधी नव्हे ते शक्य झालं…नवी मुंबई शहर आणि परिसरात वाहतूक कोंडी मुक्त प्रवासाचा आनंद

नवी मुंबई महापालिका परिवहन उपक्रमाच्या ४२९ पैकी ११२ बस गाडय़ा महिला वाहतुकीसाठी देण्यात आल्या होत्या; परंतु त्याचा शहरातील प्रवासी वाहतुकीवर परिणाम झालेला नाही, अशी माहिती नवी मुंबई परिवहन उपक्रमाचे व्यवस्थापक योगेश कडुसकर यांनी दिली. मात्र नवी मुंबई शहरात विद्यार्थ्यांची वाहतूक करणाऱ्या बस गाडय़ाही महिला वाहतुकीसाठी तैनात करण्यात आल्याने अनेक शाळांनी विद्यार्थ्यांना सुट्टी दिली होती.

कल्याण-डोंबिवली महापालिका परिवहन उपक्रमाच्या ९० पैकी ४७ बस गाडय़ा, मीरा-भाईंदर महापालिका परिवहन उपक्रमाच्या ८० पैकी १५ बस गाडय़ा महिला वाहतुकीसाठी देण्यात आल्या होत्या. यामुळे शहरांमध्येही प्रवाशांचे हाल झाले.

लोकमान्यनगर भागात राहतो. ठाणे स्थानक परिसरात शिकवणीसाठी येतो. दररोज दुपारी ३.३० वाजता ठाणे सॅटिस पुलावरून लोकमान्यनगरला जाण्यासाठी बस पकडतो. परंतु शुक्रवारी दुपारी ३.१५ वाजता लवकरच बस थांब्यावर आलो; परंतु ३.५० वाजून गेले तरी बस गाडी आली नव्हती.  -रोनक जाधव, विद्यार्थी