डोंबिवलीतील तीन जणांची रिक्षा चालकाच्या खुनाच्या आरोपातून निर्दोष मुक्तता, कल्याण जिल्हा न्यायालयाचा निर्णय

सरोजने तक्रारीत म्हटले होते, मी एका मटण विक्रेता दुकानात काम करत होते. तेथे माझा दीर अरफुल खानही हाही काही महिने काम करत होता. त्यानंतर त्याने रिक्षा चालविणे पसंत केल्याने तो डोंबिवलीत प्रवासी वाहतूक करत होता. जानेवारी २०१७ मध्ये तीन जणांनी अरफुलला म्हात्रे वाडीतील भवन चाळ येथे रात्रीच्या वेळेत बेदम मारहाण केली. ते रस्त्यावर पडले आहेत, अशी माहिती एका रस विक्रेत्याने तक्रारदार सरोजला दिली. ती तातडीने दुकान मालकासह घटनास्थळी गेली. त्यावेळी अरफुल रस्त्यावर बेशुध्दावस्थेत पडला होता. सरोजने त्याला तातडीने पालिकेच्या शास्त्रीनगर रुग्णालयात दाखल केले.

आणखी वाचा

हास्यतरंग : माझी स्वप्न…

शिवसेनेला पुणेकरांचा ‘जय महाराष्ट्र’?

मानव-वन्यजीव संघर्ष : चंद्रपूर जिल्ह्यात ३७ वन्यप्राण्यांचा तर २९ नागरिकांचा मृत्यू

हेही वाचा >>>कल्याण जवळील मलंगगड रस्त्यावर खड्डे चुकविताना डंपरखाली येऊन दुचाकीस्वाराचा मृत्यू

अरफुलची प्रकृती गंभीर झाल्याने त्याला मुंबईत जे. जे. रुग्णालयात दाखल केले. तेथे उपचार सुरू असताना अरफुलचा काही दिवसांनी मृत्यू झाला. विष्णुनगर पोलिसांनी या प्रकरणात धम्मरत्न, अंकुश, अमोल यांना अटक केली होती. त्यांच्यावर खुनाचा आरोप लावण्यात आला होता. या खून प्रकरणात आरोपींचा सहभाग कसा आहे हे सबळ पुराव्यानिशी न्यायालयासमोर दाखल करण्यात तपास अधिकारी कमी पडले. न्यायालयाने अनेक प्रश्न उपस्थित करुन सरकार पक्षाला कात्रीत पकडले. आरोपींच्या वकिलाने आरोपी या प्रकरणात कसे सहभागी नव्हते हे सबळ पुराव्यानिशी दाखवून देण्यात यशस्वी झाली. दोन्ही बाजू ऐकून घेतल्यानंतर न्यायालयाने आरोपींविरुध्द सबळ पुरावे नसल्याने निरीक्षण नोंदवत त्यांची निर्दोष मुक्तता केली.