भिवंडीची पूनरावृत्ती टाळण्यासाठी नवरात्रोत्सवात पोलीस सतर्क समाजमाध्यमांवरील अफवांवर पोलिसांचे लक्ष, गस्तीवर भर

अनंत चतुर्दशी निमित्ताने भिवंडीत एका गणेशोत्सव मंडळाची गणेश मुर्ती विसर्जन मिरवणूक निघाली होती. त्यावेळी दोन गटांमध्ये मोठा वाद निर्माण झाला होता. या वादाला शांत करण्यासाठी पोलिसांना लाठीमार करावा लागला होता. त्यानंतर भिवंडीत तणावाचे वातावरण निर्माण झाले होते. पोलिसांनी या प्रकरणात काही संघटनांच्या पदाधिकाऱ्यांविरोधात गुन्हे दाखल केले होते. नवरात्रोत्सव शांततेत पार पडावा यासाठी ठाणे पोलीस आता सतर्क झाले आहेत. मागील आठवडाभरापासून दररोज पोलिसांकडून भिवंडी शहरात गस्ती घातली जात आहे. तसेच रूट मार्च देखील काढले जात आहे. सलोखा राखण्यासाठी संवेदनशील ठिकाणी, मोहल्ले, नवरात्रोत्सव मंडळांमध्ये पोलिसांकडून बैठका घेतल्या जात आहे. शांतता समितीच्या माध्यमातून पोलिसांकडून नागरिकांची भेटीगाठी घेतल्या जात आहेत. भिवंडीत पोलिसांनी राज्य राखीव दलाच्या अतिरिक्त कंपन्या तैनात केल्या आहेत. मुख्यालयातूनही बंदोबस्तासाठी मनुष्यबळ तैनात करण्यात आले आहे. तर संपूर्ण आयुक्तालय क्षेत्रात ठाणे पोलिसांचा सुमारे सहा हजार अधिकारी आणि कर्मचाऱ्यांचा बंदोबस्त तैनात केला जाणार आहे. चोरी तसेच गैरप्रकार टाळण्यासाठी गरबा कार्यक्रमात देखील महिला आणि पुरूष पोलिसांचे पथक साध्या वेशामध्ये तैनात असणार आहे.

आणखी वाचा

मावळचे वातावरण तापले! तालुक्यातून १०१ गुन्हेगार हद्दपार

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

आहे चटकदार पण…

ऐरोलीतील बंडोबांना शिंदे सेनेचे अभय ?

अतिक्रमणविरोधी कारवाईवेळी ‘हे’ नियम पाळा, थेट सर्वोच्च न्यायालयानंच घालून दिली नियमावली!

मुख्यमंत्री शिंदे म्हणतात, “धनुष्य चोरायला ते काही खेळणं आहे का? लाडक्या बहिणींना एकविसशे रुपये…”

पंतप्रधानांच्या दौऱ्यानिमित्त कडक पोलीस बंदोबस्त

महिला अत्याचार वाढले….पण, गुन्ह्यातील दोषसिद्धीचे प्रमाण मात्र……

हे ही वाचा…ठाणे : कळव्यामधील एका शाळेतील ३८ विद्यार्थ्यांना विषबाधा

धार्मिक तेढ निर्माण होईल असे संदेश समाजमाध्यमांवर प्रसारित करणाऱ्यांविरोधात गुन्हे दाखल करून कठोर कारवाई करण्यात आली आहे. नागरिकांनी असे संदेश समाजमाध्यमांवर प्रसारित करू नये. असे संदेश किंवा चित्रीकरण आढळल्यास तात्काळ याबाबतची माहिती संबंधित विभागातील पोलिसांना द्यावी. जो कोणी व्यक्ती असे संदेश, चित्रीकरण समाजमाध्यमावर प्रसारित करेल त्यांच्याविरोधात कठोर कारवाई करण्यात येईल. – ज्ञानेश्वर चव्हाण, सह आयुक्त, ठाणे शहर पोलीस.