ठाणे : वाहतूक पोलिसांकडून नवरात्रौत्सवाच्या माध्यमातून चालकांना धडे

हेही वाचा >>> पुणे : कोथरुडमधील गुंडाच्या विरोधात झोपडपट्टी दादा कायद्यान्वये कारवाई ; गुंड वर्षभरासाठी कारागृहात

गेल्याकाही वर्षांत ठाणे जिल्ह्यात नागरिकीकरण मोठ्याप्रमाणात वाढले आहे. घोडबंदर भाग, कल्याण-डोंबिवली, बदलापूर या भागात मुंबई आणि उपनगरात राहणारे अनेकजण वास्तव्यास येत आहेत. त्यामुळे शहरात वाहनांची संख्याही वाढली आहे. त्यातुलनेत पुरसे रुंद रस्ते नसल्याने अपघातांनाही आमंत्रण मिळत असते. अनेकदा दुचाकी चालक शीरस्त्राण (हेल्मेट) वापरत नसतात. चार चाकी चालकही आसन पट्टी वापरत नसल्याने अपघातामध्ये अनेकांना जीव गमवावे लागले आहेत. अपघात टाळण्यासाठी आणि नियमांचे उल्लंघन होऊ नये पोलिसांकडून दंडात्मक कारवाई केली जाते. परंतु मनुष्यबळाअभावी पोलिसांना सर्वच ठिकाणी कारवाई करणे शक्य होत नसते. त्यामुळे वाहन चालकांकडून नियमांचे उल्लंघन होत असतानाचे चित्र दिसते. चालकांकडून नियमांचे पालन व्हावे यासाठी ठाणे पोलिसांकडून सण-उत्सवांच्या माध्यमातून जनजागृती केली जाते. त्यामुळे यावर्षी नवरात्रौत्सवानिमित्ताने ठाणे पोलिसांच्या वाहतूक नियंत्रण कक्षाने जनजागृती करण्यास सुरूवात केली आहे.

हेही वाचा >>> पुणे : आधी रिक्त पदे, शिष्यवृत्तींचे प्रलंबित प्रश्न सोडवा ; उच्च शिक्षण क्षेत्रातून नाराजीचा सूर

‘देवीच्या भक्तीत तल्लीन होऊनी नवरात्रिच्या रंगांची उधळन करूनी, वाहतूकीच्या नियमांकडे लक्ष देऊया-स्वत:सोबत इतरांचे जीवन सुकर करूया’, ‘लाल-पिवळा- हिरवा रंग आहेत तीन वाहतुकीचे नियम पाळून साजरे करूया नवरात्रिचे दि’ असे वाहतूक नियमांचे पालन करण्यासाठी विविध सामाजिक संदेश ठाणे पोलिसांकडून समाजमाध्यमांवर दिले जात आहे. या संदेशांमुळे नागरिकांमध्ये जनजागृती होत असल्याची माहिती वाहतूक पोलिसांनी दिली.