Video : बेदरकार ट्रेलरने अंबरनाथमध्ये अनेक गाड्यांना उडवले, ५० हून अधिक गाड्यांचे नुकसान; पोलिस, रिक्षाचालकांनी चालकाला पकडले

अंबरनाथहून डोंबिवलीच्या दिशेने जाणाऱ्या बदलापूर पाईपलाईन रोडवर हा अपघात घडला. नेवाळी नाका येथून बदलापूरच्या दिशेने निघालेल्या एका भरधाव ट्रेलरने नेवाळी नाक्यावर एका वाहनाला जोरदार धडक दिली. त्यानंतर पालेगाव, अंबरनाथ आनंदनगर पोलीस चौकी, वैभव हॉटेल चौक, सुदामा हॉटेल चौक असा संपूर्ण रस्ता भरधाव वेगात मार्गिकेवर उलट्या दिशेने ट्रेलर चालवत हा चालक निघाला. मार्गात समोर येणाऱ्या प्रत्येक वाहनाला त्याने धडक देत ट्रेलर पुढे नेला. यात कार, दुचाकी, रिक्षा, इतकेच नव्हे, तर पोलिसांच्याही गाडीला त्याने धडक दिली. तर मार्गातीलच एका दुचाकीस्वाराला त्याने रॉडने मारहाण करून जखमी केले.

आणखी वाचा

Video: चाकण शिक्रापूर मार्गावर कंटेनरची पोलिसांच्या मोटारीसह आठ वाहनांना धडक; पोलीस कर्मचारी, लहान मुलगी जखमी

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

Video : तळोजातील अपघातामध्ये एक ठार, महिला अत्यवस्थ

भरधाव मोटार उलटून तरुणीचा मृत्यू; मुंबई-बंगळुरू बाह्यवळण मार्गावर अपघात; सात जण जखमी

अणस्कुरा घाटात एसटी बसचे ब्रेक निकामी; चालकाच्या प्रसंगावधाने वाचले ५० प्रवाशांचे प्राण

VIDEO : विरुद्ध दिशेने वाहन चालवणं नवी मुंबईतील दोन तरुणींच्या जीवावर बेतलं; कारच्या धडकेत मृत्यू

तुम्हीच सांगा, चूक कोणाची? दरवाजा एकीकडे अन् पायऱ्या दुसरीकडे, चालकाने दाखवली चूक; पाहा ‘लालपरी”चा Video Viral

Kannauj Building Collapse : उत्तर प्रदेशात रेल्वे स्थानकावर बांधकाम सुरू असलेली इमारत कोसळली, अनेक कामगार ढिगाऱ्याखाली अडकले

शिवाजीनगर पोलीस आणि आसपासचे काही रिक्षाचालक हे पाठलाग करत असल्याने मद्यधुंद ट्रेलर चालकाने आनंदनगर एमआयडीसी परिसरात ट्रेलर नेला. मात्र, यावेळी ट्रेलरचा वेग जास्त असल्याने तो रस्त्याच्या कडेला जाऊन पलटला. तात्काळ पोलिसांनी या ट्रेलर चालकावर शिताफीने पकडून बेड्या ठोकल्या. दरम्यान, वाहनांना दिलेल्या या धडकांमध्ये कोणतीही जीवितहानी झालेली नाही. मात्र काही वाहनचालक व पादचारी जखमी झाले आहेत. तसेच या विचित्र प्रकारात किमान ५० हून अधिक गाड्यांचे नुकसान झाल्याची माहिती प्रत्यक्षदर्शींनी दिली आहे. वाहतूक पोलिस याप्रकरणी अधिक तपास करत आहेत.