डोंबिवलीत भाजी विक्रेत्याची भामट्या रिक्षा चालकाकडून फसवणूक

एका भामट्या रिक्षा चालकाने एका भाजी विक्रेत्याला मी तुमचा खूप ओळखीचा आहे असे दाखविले. तुम्हाला घरी सोडतो असे सांगून भाजी विक्रेत्याला भुरळ घालून त्याच्या हातामधील पिशवीतील १० हजारा रुपयांची रोख रक्कम लुटून पसार झाला.ही घटना बुधवारी दुपारी तीन वाजता डोंबिवली पूर्वेतील मानव कल्याण केंद्रा समोरील गल्लीत घडली. अशोक खिलारी (५५) हे भाजी विक्रेते टिळकनगर मधील ध्वनी सोसायटीत राहतात. अशोक खिलारी बुधवारी दुपारी भाजी विक्रीचा व्यवसाय करुन दुपारी भोजनासाठी घरी चालले होते. यावेळी त्यांच्या हातात भाजी विक्रीतून मिळालेले आणि त्यांच्या जवळील असे एकूण १० हजार रुपये होते. ते त्यांनी एका पिशवीत ठेवले होते. ते पायी घरी चालले असताना मानव कल्याण केंद्रा समोरील गल्लीतून जात असताना एका अनोळखी भामट्या रिक्षा चालकाने अशोक यांना हाक मारुन ‘काय कसे आहात. अनेक दिवस तुम्ही दिसला नाहीत.