एचडीएफसी बँकेच्या क्रेडीट कार्डच्या माध्यमातून कल्याण मधील महिलेची फसवणूक

हेही वाचा >>>अंबरनाथः वालधुनी नदीवर फेसाळ थर; रासायनिक सांडपाण्यामुळे फेस आल्याचा संशय

पोलिसांनी सांगितले, सुजाता पांडव या एचडीएफसी बँके्च्या खातेदार आहेत. या बँकेचे क्रेडीट कार्ड सुजाता यांच्याकडे आहे. क्रेडीच कार्डची मुदत संपल्याने एचडीएफसी बँकेने सुजाता यांना त्यांच्या घऱच्या पत्त्यावर नवीन क्रेडीट कार्ड पाठविणार असल्याचे कळविले होते. हे कार्ड टपालातून घरी येण्यापूर्वीच सुजाता यांच्या क्रेडीट कार्डचा भामट्याने चलाखीने वापर करुन त्यांच्या एचडीएफसी बँकेतील खात्यामधून एक लाख ६८ हजार रुपये परस्पर स्वताच्या बँक खात्यात वळते केले. या व्यवहाराची माहिती मिळताच सुजाता यांनी बँकेशी संपर्क साधला. त्यावेळी त्यांना हा ऑनलाईन व्यवहार क्रेडीट कार्डच्या माध्यमातून झाला आहे. नवीन क्रेडीट कार्डचा भामट्याने बेमालुमपणे वापर करुन आपली फसवणूक केल्याने सुजाता यांनी बाजारपेठ पोलीस ठाण्यात तक्रार केली. पोलिसांनी माहिती तंत्रज्ञान कायद्याने गुन्हा दाखल करुन घेतला आहे.