लोकसत्ता प्रतिनिधी
ठाणे : भिवंडीतील ब्राह्मणआळी भागात असलेल्या एका सराफाच्या दुकानात बुरखा घातलेल्या दोन महिला दागीने पाहण्याच्या बहाण्याने आल्या आणि त्यांनी दुकानातील कर्मचाऱ्याची दिशाभूल करत आठ लाख रुपयांचे दागिने लंपास केल्याची घटना बुधवारी उघडकीस आली आहे. याप्रकरणी भोईवाडा पोलीस ठाण्यात गुन्हा दाखल करण्यात आला आहे.
भिवंडीत ब्राह्मणआळी भागात मंछालाल जसाजी चौहान (५२) यांचे स्वत:चे सोन्याच्या दागिन्याचे दुकान आहे. या दुकानात सोमवारी सायंकाळी ५ वाजताच्या सुमारास काळ्या रंगाचा बुरखा घातलेल्या दोन अज्ञात महिला सोन्याचे दागिने पाहण्याच्या बहाण्याने आल्या होत्या. दुकानातील कर्मचारी भगवानराम हा त्या महिलांना दागिने दाखवत होता. परंतू, या महिलांनी भगवानराम या कर्मचाऱ्याची दिशाभूल करत, एका ट्रे मधील आठ लाख रुपये किंमतीचे २०० नग सोन्याचे दागिने लबाडीने चोरी केले. याप्रकरणी मंछालाल जसाजी चौहान यांनी या दोन महिलांविरोधात भोईवाडा पोलीस ठाण्यात तक्रार नोंदवली आहे. या तक्रारीवरुन या महिलांविरुद्ध गुन्हा दाखल केला आहे. या प्रकरणी पोलीसांचा पुढील तपास सुरु आहे.
ठाणे : भिवंडीतील ब्राह्मणआळी भागात असलेल्या एका सराफाच्या दुकानात बुरखा घातलेल्या दोन महिला दागीने पाहण्याच्या बहाण्याने आल्या आणि त्यांनी दुकानातील कर्मचाऱ्याची दिशाभूल करत आठ लाख रुपयांचे दागिने लंपास केल्याची घटना बुधवारी उघडकीस आली आहे. याप्रकरणी भोईवाडा पोलीस ठाण्यात गुन्हा दाखल करण्यात आला आहे.
भिवंडीत ब्राह्मणआळी भागात मंछालाल जसाजी चौहान (५२) यांचे स्वत:चे सोन्याच्या दागिन्याचे दुकान आहे. या दुकानात सोमवारी सायंकाळी ५ वाजताच्या सुमारास काळ्या रंगाचा बुरखा घातलेल्या दोन अज्ञात महिला सोन्याचे दागिने पाहण्याच्या बहाण्याने आल्या होत्या. दुकानातील कर्मचारी भगवानराम हा त्या महिलांना दागिने दाखवत होता. परंतू, या महिलांनी भगवानराम या कर्मचाऱ्याची दिशाभूल करत, एका ट्रे मधील आठ लाख रुपये किंमतीचे २०० नग सोन्याचे दागिने लबाडीने चोरी केले. याप्रकरणी मंछालाल जसाजी चौहान यांनी या दोन महिलांविरोधात भोईवाडा पोलीस ठाण्यात तक्रार नोंदवली आहे. या तक्रारीवरुन या महिलांविरुद्ध गुन्हा दाखल केला आहे. या प्रकरणी पोलीसांचा पुढील तपास सुरु आहे.
