‘एव्हरेस्ट’ या एका शब्दाचे गारुड इतके आहे की, आजपर्यंत ते आम्हाला स्वस्थ बसू देत नाही. ‘गिरिप्रेमी’च्या पुणे ‘एव्हरेस्ट २०१२’ व ‘ल्होत्से – एव्हरेस्ट २०१३’ या मोहिमांमध्ये अनेक विक्रम प्रस्थापित झाले. भारतातील सर्वात मोठी नागरी मोहीम, एकाच शहरातून एकाच नागरी संस्थेमधून तब्बल अकरा एव्हरेस्टवीर होणे, महाराष्ट्रातील सर्वात वयाने लहान एव्हरेस्टवीर इत्यादी, इत्यादी. पण खरेतर माझ्या दृष्टीने या सर्व मोहिमांचे यश ‘गिर्यारोहण’ हा शब्द महाराष्ट्राच्या कानाकोपऱ्यात पोहोचला यामध्ये आहे. हा एक असा वेगळा धाडसी क्रीडाप्रकार आहे की, ज्यामध्ये कोणत्याही वयाची व्यक्ती सहभागी होऊ शकते. इथे स्पर्धा नाही. इथे आपल्या क्षमता मर्यादेपलीकडे ताणून स्वत:ला एका वेगळ्या रूपात ओळखून घेण्याचे कौशल्य सापडते आणि सर्वात महत्त्वाचे म्हणजे ‘माणूस’ घडवण्याचे काम या छंदातून घडते.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
