१२ वर्षांची ही भारतीय मुलगी गाते ८० भाषांत गाणे

सुचेता सध्या दुबईतील इंडियन हायस्कूल येथे इयत्ता ७ वीमध्ये शिकत आहे. सुचेताने अवघ्या एका वर्षाच्या कालावधीत ८० भाषांमध्ये गाणे तयार केले होते. यामध्ये पहिल्यांदा तिने जपानी भाषा शिकली. आता जपानीच का असा प्रश्न आपल्याला साहजिकच पडला असेल तर त्याचे कारण म्हणजे तिचे वडिल जपानमध्ये त्वचारोगतज्ज्ञ म्हणून काम करतात.

परदेशी भाषेतील एक गाणे शिकण्यासाठी तिला साधार ण २ तासांचा कालावधी लागतो. एखाद्या गाण्याचे शब्द आणि उच्चार सोपे असतील तर त्याहून कमी वेळात ती ते आत्मसात करते. आतापर्यंत माहित असलेल्या ८० भाषांपैकी फ्रेंच, जर्मन आणि हंगेरियन भाषा सर्वात कठिण होत्या असे ती सांगते. याआधी सर्वाधिक भाषांमध्ये गाण्याचा रेकॉर्ड आंध्रप्रदेशमधील केसीराजू श्रीनिवास नावाच्या व्यक्तीवर होता. त्यांनी २००८ मध्ये ७६ भाषांमध्ये गाणे गाऊन हा रेकॉर्ड बनवला होता.