Horrifying Bike Accident Video : गाड्या सावकाश चालवा, असे अनेकदा सांगूनही काही अतिउत्साही चालक आपल्यासह इतरांचाही जीव धोक्यात घालतात. त्यामुळे अपघातांच्या घटना घडतात. रस्ते अपघाताचे अनेक नवनवे व्हिडीओ सोशल मीडियावरही व्हायरल होत असतात. त्यातील काही अपघात वाहनचालकांच्या चुकीमुळे झालेले असतात; तर काही अपघात समोरच्या वाहनाच्या चुकीने घडलेले असतात. असाच एका भीषण अपघाताचा लाइव्ह व्हिडीओ सध्या सोशल मीडियावर व्हायरल होत आहे; जो पाहिल्यानंतर तुमच्या अंगावर काटा अक्षरश: येईल. हा व्हिडीओ विशेषत: बाईक चालविताना वेगावर नियंत्रण नसेल, तर काय होऊ शकते? हे सांगणारा आहे. हा व्हिडीओ पाहिल्यानंतर तुमच्याही काळजात धडकी भरल्याशिवाय राहणार नाही. या भीषण अपघातात बाईकच्या वेगावर नियंत्रण नसल्याने तीनपैकी दोन तरुणांचा जागीच मृत्यू झाला; तर एक जण गंभीर जखमी अवस्थेत आहे. दरम्यान, रात्रीची वेळ असल्याने रस्त्यावर या तरुणांच्या मदतीसाठी कोणीही धावून आल्याचे दिसले नाही.
हा भीषण अपघात विशाखापट्टणम एडी उड्डाणपुलावर झाला आहे. भरधाव वेगाने जाणारी ड्युक बाईक दुभाजकावर धडकल्याने अपघाताची ही घटना घडली. त्यानंतर बाईक उलटी होऊन, तीनही तरुण उड्डाणपुलावरून थेट खाली कोसळले. मन सुन्न करणारी अशी ही दुर्घटना आहे. अपघाताच्या लाइव्ह व्हिडीओमध्ये तुम्ही पाहू शकता की, एक वाहनही नजरेस न दिसणारा
अतिशय सामसूम असा उड्डाणपूल दिसतोय. त्याच वेळी अतिशय भरधाव वेगात एक बाईक आली; ज्यावर तीन तरुण बसले होते. ही बाईक जोरात जाऊन उड्डाणपुलाच्या भिंतीवर धडकली; ज्यामुळे बाईकवर बसलेले तिघेही जोरदारपणे उडून थेट उड्डाणपुलावरून खाली कोसळले. या भीषण अपघातात दोन तरुणांचा जागीच मृत्यू झाला; तर एक जण गंभीर जखमी झाला आहे. जखमी तरुणाला पोलिसांनी तत्काळ रुग्णालयात दाखल केले आहे.
ఫ్లైఓవర్ పై ఘోర రోడ్డు ప్రమాదం.. ఇద్దరు మృతి
— Telugu Scribe (@TeluguScribe) May 12, 2024
విశాఖ – ఎన్ఏడి ఫ్లైఓవర్ పై డ్యూక్ బైక్ పై అతివేగంతొ డివైడర్ను ఢీకొని ఫ్లైఓవర్ పై నుండి కింద పడ్డ ముగ్గురు యువకులు.
ఇద్దరు మృతిచెందగా.. ఒకరికి తీవ్ర గాయాలు అవ్వడంతో ఆసుపత్రికి తరలించిన పోలీసులు. pic.twitter.com/KlTulxtr5Y
हा अपघात उड्डाणपुलावरील सीसीटीव्ही कॅमेऱ्यात कैद झाला आहे. त्यानुसार बाईक उड्डाणपुलावरून भरधाव जात असताना दुभाजकाला धडकते आणि त्यावरील तिघेही तरुण खाली पडल्याचे दिसून येत आहे.
आई झाली कसाई! चिमुकलीला पलीत्याने चोपलं, गळा दाबला मग फरपटत नेत…; अमानुष मारहाणीचा VIDEO व्हायरल
या दुर्घटनेने अतिवेगाने वाहन चालविण्याचे धोके पुन्हा एकदा अधोरेखित केले आहेत. विशेषत: उड्डाणपुलांवर वेगमर्यादा पाळणे अत्यंत आवश्यक आहे. कारण- तिथे छोटीशी चूकही जीवघेणी ठरू शकते. हा व्हिडीओ @TeluguScribe नावाच्या एक्स अकाउंटवरून पोस्ट करण्यात आला आहे; जो आता खूप व्हायरल होत आहे.
या व्हिडीओवर नेटकऱ्यांनीही वेगवेगळ्या प्रतिक्रिया दिल्या आहेत. अनेकांनी हा अतिशय भीषण असा अपघात असल्याचे म्हटले आहे. तर, काहींनी, पालकांनी मुलांना महागड्या बाईक घेऊन देऊ नका, असा सल्ला दिला आहे.
