देशात ठिकठिकाणी भटक्या कुत्र्यांनी हल्ला केल्याच्या घटना समोर येत असतात. अशातच हैदराबादमध्ये ५ वर्षीय मुलावर भटक्या कुत्र्यांनी हल्ला केल्याची धक्कादायक घटना समोर आली आहे. या हल्ल्यात ५ वर्षीय मुलाला गंभीर दुखापत झाली आहे. ही घटना सीसीटीव्ही व्हिडीओत कैद झाली आहे.
गुरूवारी सायंकाळी दिलसुखनगर येथील परिसरात ही घटना घडली आहे. सीसीटीव्ही व्हिडीओत दोन मुले घराबाहेर खेळताना दिसत आहे. त्याचवेळी परिसरातील कुत्रे मुलांच्या मागे धावताना दिसतात. त्यानंतर मुलांनी तातडीनं घरात धाव घेतली. पण, एका भटक्या कुत्र्यानं मुलाला चावा घेतला.
दरम्यान, हैदराबादमध्ये अलीकडे मुलांना कुत्र्यांनी चावा घेतल्याच्या अनेक घटना घडल्या आहेत. मनोकोंडूर मंडळाच्या हद्दीतील पोचम्मापली गावात सातवीत शिकणाऱ्या १३ वर्षीय मुलीवर शाळेच्या बाहेर भटक्या कुत्र्यांनी हल्ला केला. यानंतर १३ वर्षीय मुलीवर हैदराबाद येथील गांधी रूग्णालयात उपचार सुरू होते. पण, ४० दिवसांच्या उपचारानंतर तिचा मृत्यू झाला आहे.
हेही वाचा : निर्दयी बाप! भर रस्त्यात पत्नीला अन् लेकराला कारमधून बाहेर पाडलं; चिमुरडा रडत राहिला तरीही…
तर, गेल्या महिन्यात बहादूपुरा पोलीस ठाण्याच्या हद्दीतील नंदी मुसलाईगुडा येथे भटक्या कुत्र्यांनी केलेल्या हल्ल्यात सहा वर्षांचा मुलगा गंभीर झाला होता. या मुलावर हैदराबाद येथील निलोफर रूग्णालयात उपचार सुरू होते.
