हार्डी संधूच्या ‘बिजली बिजली’ गाण्यावर आजीचा जबरदस्त डान्स; व्हिडिओ होतोय व्हायरल

आजीच्या डान्सिंग मूव्ह्ससोबतच तिची एनर्जी लेव्हल पाहून नेटकरी आश्चर्यचकित झाले आहेत. व्हायरल क्लिपमध्ये देसी दादी हार्डी संधूच्या ट्रेंडिंग गाण्यावर नाचताना दिसत आहे. गाण्याच्या सुरात डोलणाऱ्या आजीच्या चेहऱ्यावर दिसणारे मनमोहक हास्य सोशल मीडियावर सगळ्यांच लक्ष वेधून घेत आहे. यापूर्वीही रवी बाला यांच्या डान्स व्हिडिओने सोशल मीडियावर धुमाकूळ घातला होता. अक्षय कुमार आणि सारा अली खान यांच्या आगामी ‘अतरंगी रे’ या चित्रपटातील ‘चका चक’ गाण्यावर जबरदस्त डान्स केला होता. सारा अली खानसारख्याच स्टेप डान्स व्हिडिओत करताना दिसल्या होत्या. नृत्यादरम्यान त्यांचे चेहऱ्यावरील हावभावाची पूर्ण काळजी घेतात.

सोशल मीडियावर या व्हिडिओला ३ लाखांहून अधिक व्ह्यूज मिळाले आहेत. त्याचबरोबर १० हजारांहून अधिक लाईक्स मिळाले आहेत. रवी बालाचा परफॉर्मन्स पाहून सोशल मीडियावर यूजर्स त्यांना रिअल लाईफ सिंड्रेला म्हणत आहेत.