Viral Video : सोशल मीडियावर डान्सचे अनेक व्हिडीओ व्हायरल होत असतात. काही व्हिडीओ मजेशीर असतात तर काही व्हिडीओ थक्क करणारे असतात. अगदी लहान मुलांपासून वृद्ध लोकांपर्यंत अनेक जण आवडीने डान्स करतात आणि त्यांच्या डान्सचे व्हिडीओ सोशल मीडियावर शेअर करतात. सध्या असाच एक व्हिडीओ समोर आला आहे. या व्हिडीओमध्ये एक आजीबाई खूप सुंदर डान्स करताना दिसत आहे. या आज्जीचा डान्स पाहून तुम्हीही अवाक् व्हाल. (82 year old lady dance on mera naam chin chin chu song her enthusiasm inspire youngsters video viral)
८२ वर्षीय आजीने केला जबरदस्त डान्स, तरुणाईला लाजवेल तिचा उत्साह
असं म्हणतात, “कलेला वयाचं बंधन नसते” हा व्हिडीओ पाहिल्यानंतर तु्म्हाला विश्वास बसेल. चक्क ८२ वर्षाच्या आज्जी तुफान डान्स करताना दिसत आहे. या व्हायरल व्हिडीओमध्ये तुम्हाला आज्जी दिसतील त्या स्टेजवर डान्स करताना दिसत आहे. “मेरा नाम चिन चिन चू चिन चिन चू बाबा चिन चिन चू रात चाँदनी मैं और तू हॅल्लो मिस्टर हाऊ डू यू डू” या लोकप्रिय गाण्यावर डान्स करताना दिसत आहे. आजीच्या डान्स स्टेप्स आणि चेहऱ्यावरील हावभाव पाहून तुम्हालाही ऊर्जा येईल. आज्जी डान्सचा आनंद लुटताना दिसत आहे.
व्हिडीओत तुम्हाला स्टेजवर पोस्टर लावलेले दिसत आहे. पोस्टरवर दिलेल्या माहितीनुसार – महिला महोत्सव या कार्यक्रमात आजी डान्स करताना दिसत आहे.
पाहा व्हायरल व्हिडीओ (Watch Viral Video)
hum.kalakaar या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “प्रत्येक वर्षी मी या आजीचा डान्स पाहते. याला म्हणतात आवड” या व्हिडीओवर अनेक युजर्सनी प्रतिक्रिया दिल्या आहेत. अनेक युजर्सनी आज्जीवर कौतुकाच वर्षाव केला आहे. एका युजरने लिहिलेय, “खूप दिवसानंतर अशी रिल पाहिली. मन खूश झाले.” तर एका युजरने लिहिलेय, “याला म्हणतात आयुष्याचा आनंद घेणे” आणखी एका युजरने लिहिलेय, “नवीन पिढीसाठी आदर्श प्रतिमा” एक युजर लिहितो, “माझ्याकडे शब्द नाही. खूप सुंदर आज्जी”
