ट्रेन प्रवासाबाबत नेहमीच प्रवाशांना वेगवेगळ्या सूचना, खबरदारी घेण्यास रेल्वेकडून सांगितलं जातं. ट्रेन आणि प्लॅटफॉर्मवरील अंतरावर लक्ष द्या, चालत्या ट्रेनमध्ये चढू नका किंवा उतरू नका. प्लॅटफॉर्मपासून लांब उभे राहा, रेल्वे रूळ ओलांडू नका, जिन्यांचा वापर करा अशा अनेक सूचना रेल्वेकडून देण्यात येतात. मात्र, या सूचना ऐकतील ते प्रवासी कसले. अशाच एका अतिशहाणपणा करणाऱ्या प्रवाशाचा व्हिडीओ सध्या सोशल मीडियावर व्हायरल झाला आहे.
तुम्ही अनेकदा पाहिलं असेल की, ट्रेनमध्ये जागा नसतानाही लोकं धक्का देतात आणि कसंही करून आत शिरण्याचा प्रयत्न करतात. लोकं ट्रेनच्या छतावर चढतात, दारांवर लटकतात, हे सर्व भारतात दिसणारे एक सामान्य दृश्य आहे. असाच एक भारताबाहेरचा व्हिडीओ सध्या व्हायरल होतोय.
चालत्या लोकलच्या छतावर तरुणाची स्टंटबाजी
या व्हिडीओमध्ये तुम्ही पाहू शकता. एक तरुण चालत्या ट्रेनच्या छतावर उभा राहून स्टंट करत आहे. यावेळी त्याच्या जीवाला मोठा धोका निर्माण होऊ शकतो, ओव्हरहेड वायरचा शॉक लागू शकतो, तो छतावरून थेट खाली रुळावर पडू शकतो. मात्र, तरीही हा तरुण बिनधास्त हात वर करून ट्रेनवर उभा आहे. सुरुवातीला हा तरुण फक्त उभा आहे, काही वेळानंतर हा तरुण अक्षरश: ट्रेनवर उभा राहून उलटा धावत आहे. हा व्हिडीओ पाहून आपल्यालाच घाम फुटतोय. मात्र, या तरुणाला काहाही वाटत नाहीये.
पाहा व्हिडीओ
हेही वाचा >> Video: बापरे! गळाला लागला चक्क देव मासा; बोटीला दिली टक्कर अन् मग…पाहा थरारक व्हिडीओ
हा व्हिडीओ भारतातला नाहीये, मात्र हे कृत्य खूप धोकादायक आहे. असे अनेक धोकादायक व्हिडीओ सोशल मीडियावर सतत व्हायरल होत असतात. हा व्हिडीओ ‘न्यूयॉर्क ओन्ली’ नावाच्या इन्स्टाग्राम अकाउंटवरून पोस्ट करण्यात आला आहे. हा व्हिडीओ व्हायरल झाल्यानंतर नेटकऱ्यांनी या तरुणावर मोठ्या प्रमाणात टीका केली आहे. या अशा मुलांमुळे इतरही मुलं बिघडतात, अशी प्रतिक्रिया एका युजरने केलीय.
