उखाणा हा महाराष्ट्राच्या संस्कृतीचा एक महत्त्वाचा भाग आहे. कोणत्याही शुभकार्यात किंवा लग्न समारंभात लयबद्ध पद्धतीने आवडीने जोडीदाराचे नाव घेतले जाते यालाच आपण उखाणा म्हणतो. पूर्वी महिला त्यांच्या पतीसाठी उखाणा घ्यायच्या आता पुरुष मंडळी सुद्धा आवडीने पत्नीसाठी उखाणा घेताना दिसतात.
सोशल मीडियावर पुरुष किंवा महिलांचे उखाणे घेतानाचे व्हिडिओ तुम्ही अनेकदा पाहिले असेल. अविवाहित तरुणींचे सुद्धा उखाणा घेतानाचे व्हिडिओ व्हायरल झाले आहे पण चिमुकल्याला उखाणा घेताना तुम्ही कधी पाहिले आहे का? हो, एका चिमुकल्याने चक्क उखाणा घेतलाय. त्याचा व्हिडिओ सोशल मीडियावर चांगलाच व्हायरल होत आहे. या व्हिडिओमध्ये हा चिमुकला एक दोन नव्हे तर तब्बल तीन मजेशीर उखाणे घेताना दिसतो. सध्या व्हिडिओ तुफान व्हायरल होत आहे. (Viral video : Child’s Hilarious Ukhana Video viral on Social Media)
चिमुकल्याने घेतले भन्नाट उखाणे
हा व्हायरल व्हिडिओ एका सांस्कृतिक कार्यक्रमातला आहे. या व्हिडिओमध्ये अँकर एका चिमुकल्या जवळ माईक घेऊन उभी दिसत आहे. चिमुकला तब्बल तीन उखाणे म्हणतो
तिसरा उखाणा घेताना हा चिमुकला म्हणतो, “करुंदवड माझं गाव, गावात घर.. घरात डबा, डब्यात गहू.. लग्न झालं नाही, नाव कोणाचं घेऊ.”
तर दुसरा उखाणा म्हणतो, “माझी सायकल सोन्याची सीट मी आणि माझी बायको डबल सीट” तिसरा उखाणा घेताना म्हणतो, “तु आहेस क्लास, पण माझी अडाणी बायको फर्स्ट क्लास” हे सर्व उखाणे ऐकून अँकर सह सर्व जण पोट धरून हसतात.
पाहा व्हायरल व्हिडीओ
Ajay murhe _1290 इन्स्टाग्राम अकाउंट वरून हा व्हिडिओ शेअर करण्यात आला असून या व्हिडिओवर कॅप्शनमध्ये लिहिलेय. “छोटा पाकीट मोठा धमाका” व्हिडिओवर अनेक युजर्सने प्रतिक्रिया दिल्या आहेत. एका युजरने लिहिलेय, “भारी बोललास भावा” तर अरे एका युजरने लिहिलेय, “बरीच तयारी करून ठेवली आहे” आणखी एका युजरने लिहिलेय, “लग्न झाले तर काय होईल?” एक युजर लिहितो, “आताच बोलून घे सगळं नंतर नाही मिळत बघ” तर एक युजर लिहितो, “मला शिकवायला ये बाळा” अनेक युजर्सने या व्हिडिओच्या कमेंट सेक्शनमध्ये हसण्याचे इमोजी शेअर केले आहे
