Viral Video : लग्न हा प्रत्येकाच्या आयुष्यातील एक महत्त्वाचा घटक असतो. लग्नानंतर दोन व्यक्तीचे आयुष्य बदलते. दोन व्यक्ती एकत्र येऊन नवीन आयुष्याची सुरूवात करतात आणि आयुष्यभर साथ देण्याचे वचन देतात. नवरा बायकोच्या नात्यात प्रेम, जिव्हाळा, आपुलकी, काळजी असते. ते नेहमी एकमेकांच्या सुख दु:खात सोबत असतात. त्यामुळे आपल्याला चांगला, समजूतदार जोडीदार मिळावा, अशी इच्छा प्रत्येकाची असते. आज आपण एका अशाच नशीबवान नवरीविषयी जाणून घेणार आहोत, तिला अत्यंत समजूतदार आणि चांगला नवरा भेटला आहे.
सध्या या नवरीचा एक व्हिडीओ व्हायरल होत आहे. या व्हिडीओमध्ये नवरी हॉस्पिटलमध्ये बेडवर झोपलेली दिसत आहे तर नवरदेव चक्क हॉस्पिटलमध्ये वरात घेऊन आला आहे. सध्या हा व्हिडीओ चांगलाच व्हायरल होत आहे. तुम्हाला प्रश्न पडला असेल की हे प्रकरण नेमकं काय? त्यासाठी तुम्हाला हा व्हिडीओ पाहावा लागेल.
नवरदेव वरात घेऊन थेट हॉस्पिटलमध्ये आला
या व्हायरल व्हिडीओमध्ये तुम्हाला एक नवरी हॉस्पिटलमध्ये बेडवर झोपलेली दिसेल. तिने लाल ओढणी डोक्यावर घेतली आहे. तिच्या शेजारी नवरदेव बसलेला आहे. व्हिडीओत तुम्हाला दिसेल की ते एकमेकांना हार घालतात. नवरदेव नवरीच्या भांगेत कुंकू भरतो. त्यावेळी नवरीची आई सुद्धा शेजारी उभी असते आणि भावुक झालेली दिसून येते. व्हिडीओत तुम्हाला दिसेल की हॉस्पिटलमध्ये लग्नसमारंभ पार पडतो. तुम्हाला प्रश्न पडला असेल की नवरीला नेमके काय झाले? तर या व्हिडीओत सांगितलेल्या माहितीनुसार, नवरीचा एक दिवसापूर्वी अपघात झाला होता.
या व्हिडीओवर लिहिलेय, “लग्नाच्या एक दिवसापूर्वी अपघात झाला. जर मुलाने निभावण्याचे ठरवले तर प्रत्येक परिस्थिती बघत नाही.”
पाहा व्हायरल व्हिडीओ
हेही वाचा : VIDEO: एक चूक जीवावर बेतली! गाडीला आग लागताच लोक विझवायला गेले; पण पुढच्या क्षणी जे झालं ते पाहून उडेल थरकाप
quoteslife_in या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “भावा तुला जीवनात भरपूर आनंद मिळो.”
या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “याला म्हणतात खरं प्रेम” तर एका युजरने लिहिलेय, “याच कारणाने लग्नापूर्वी हळद लावल्यानंतर कुठेही जाऊ देत नाही पण सध्या ते शक्य नाही.” आणखी एका युजरने लिहिलेय, “खरंय, सर्व मुलं एकसारखे नसतात.” एक युजर लिहितो, “तुम्हाला दोघांना सर्व आनंद मिळो.”
