Viral Video : सोशल मीडियावर जंगली किंवा पाळीव प्राण्यांचे अनेक व्हिडीओ व्हायरल होत असतात. आपण अनेकदा वाघाच्या दहशतीविषयी ऐकले असेल किंवा वाचले असेल पण तुम्ही कधी वाघाला कुणीतरी त्रास देत आहे, असं कधी पाहिलं का? सध्या असाच एक व्हिडीओ व्हायरल होत आहे. या व्हिडीओमध्ये एक खोडकर माकड चक्क दोन वाघांना त्रास देताना दिसत आहे. हा व्हिडीओ पाहून तुम्हीही पोट धरुन हसाल.
या व्हायरल व्हिडीओमध्ये तुम्हाला दिसेल की एक माकड झाडावर बसले आहे आणि त्या झाडाच्या खाली दोन वाघ बसले आहे. माकड झाडाच्या फांद्यावर झुलत वाघांचे कधी कान ओढत आहे तर कधी वाघांचे शेपुट ओढत आहे. हे दोन वाघ माकडाला पकडण्याचा प्रयत्न करत आहे पण हूशार माकड वाघांच्या तावडीत सापडत नाही आणि शेवटपर्यंत वाघाला त्रास देतो. एवढंच काय तर माकडाला पकडण्यासाठी एक वाघ झाडावरही चढण्याचा प्रयत्न करतो पण तो अपयशी ठरतो. सध्या हा व्हिडीओ चांगलाच व्हायरल होत आहे.
हेही वाचा : Mumbai Local Train : जागेवरुन दोन महिला एकमेकांशी भिडल्या, मुंबई लोकल ट्रेनमधील व्हिडीओ व्हायरल
rizal.rayan_ या इंस्टाग्राम अकाउंटवरुन हा व्हिडीओ शेअर करण्यात आला असून या व्हिडीओवर युजर्सनी एकापेक्षा एक भन्नाट प्रतिक्रिया दिल्या आहेत. अनेक युजर्सनी माकडाला खोडकर म्हटले आहे तर काही युजर्सला वाघांची अवस्था पाहून दया आली आहे.
