Viral Video : सोशल मीडियावर अपघाताचे अनेक व्हिडीओ व्हायरल होत असतात. काही अपघाताचे व्हिडीओ इतके भयानक असतात की पाहून अंगावर काटा येतो. मुलीचे स्कुटीवरील अपघात सोशल मीडियावर नेहमी चर्चेचा विषय असतात. यावरून पापा की परी म्हणून स्कुटी चालवणाऱ्या मुलींवर टीका केली जाते. सध्या असाच एका मुलीचा व्हिडीओ व्हायरल होत आहे. या व्हिडीओमध्ये तुम्हाला दिसेल की एका मुलीचे गाडीवरील नियंत्रण सुटल्याने तिची स्कुटी चक्क कॅफेमध्ये जाऊन धडकली. व्हिडीओ पाहून तुमच्याही अंगावर काटा येईल. सध्या हा व्हिडीओ सोशल मीडियावर चांगलाच व्हायरल होत आहे. (a girl drove her scooty straight into cafe)

या व्हायरल व्हिडीओ एका कॅफेच्या बाहेरचा आहे. व्हिडीओमध्ये तुम्हाला दिसेल की काही लोक कॅफेच्या बाहेर बसलेले आहेत आणि वेटर काही ग्राहकांनी ऑर्डर केलेले पदार्थ घेऊन येत आहे. या दरम्यान असे काही होते की कोणाचाही विश्वास बसत नाही. एक मुलगी तिची स्कुटी घेऊन थेट कॅफेमध्ये येते. नियंत्रण सुटल्याने तिची स्कुटी कॅफेच्या आवारात धडकते. व्हिडीओत तुम्हाला दिसेल की स्कुटीचा पहिला चाक हवेत आहे आणि मुलगी मागच्या सीटवर बसली आहे. तरुणीला असे स्कुटी घेऊन कॅफेमध्ये शिरताना पाहून सर्व जण अवाक् झालेले दिसतात. सध्या हा व्हिडीओ तुफान व्हायरल होत आहे.

नक्की वाचा

हेही वाचा : VIDEO : भयंकर! जमिनीवर पाडले, लचके तोडले; ती किंचाळत राहिली अन्…मॉर्निंग वॉकला गेलेल्या महिलेवर १५ कुत्र्यांचा हल्ला

पाहा व्हायरल व्हिडीओ

हेही वाचा : बारावं मूल झाल्याचं एलॉन मस्क यांनी लपवून ठेवलं? तर्क-वितर्कांना उधाण, चर्चा सुरू होताच म्हणाले, “हे काही सिक्रेट…”

g_se_gyani_asli या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “अरे ताई” या व्हिडीओवर अनेक युजर्सनी मजेशीर प्रतिक्रिया दिल्या आहेत. एका युजरने लिहिलेय, “रेस्टॉरंटची चूक आहे, कारण त्यांनी रस्त्याच्या शेजारी रेस्टॉरंट उघडले आहे.” तर एका युजरने लिहिलेय, “वाइल्ड कार्ड एन्ट्री” आणखी एका युजरने लिहिलेय, “ताई म्हणत असेल की ही काय जागा आहे हॉटेल उघडण्याची.”

काही दिवसांपूर्वी असाच एक व्हिडीओ व्हायरल झाला होता. त्या व्हिडीओमध्ये तरुणी स्कुटी सह मेडीकलमध्ये शिरली होती. त्या घटनेचा व्हिडीओ सोशल मीडियावर चांगलाच चर्चेत आला होता. सोशल मीडियावर नेटकऱ्यांनी या तरुणीवर जोरदार टिका केली होती.