तिकीटातील २ रुपये परत केले नाही म्हणून तरुणीने लढवली शक्कल, पुणे मेट्रो स्टेशनवरील व्हिडीओ व्हायरल

व्हायरल व्हिडीओमध्ये तरुणीने आपल्याबरोबर घडलेला किस्सा सांगितला आहे, ती म्हणते की, “आता मी आहे मेट्रो स्टेशनला, पुण्यामध्ये नळ स्टॉपला.. तर मी त्यांना तिकीट मागितले तर तिकीटची किंमत होती १८ रुपये. त्यांनी मला १८ रुपयांचे तिकीट दिले मी त्यांना ५० रुपये दिले. त्यानंतर त्यांनी मला ३० रुपये परत दिले. मी त्यांना विचारले दोन रुपये द्या तर ते म्हणाले सुट्टे नाही. त्यानंतर मी म्हणाले ठिक आहे तर तुम्ही मला माझे पन्नास रुपये परत द्या आणि तुम्ही माझ्याकडून ऑनलाईल घ्या त्यावर ते म्हणाले की आधीच तिकीट काढलेले आहे तर ऑनलाईन करता येणार नाही, सुट्टे नाहीत. त्यावर मी म्हणाली हे रोज चालणार नाही. रोज रोज कसं चालणार तुम्हाला.

आणखी वाचा

मित्राने इलेक्ट्रिक स्कूटर घेतली, तर तुम्हाला ३००० रुपये मिळणार; पाहा कंपनीच्या Boss sale मध्ये काय ऑफर्स असणार?

Bigg Boss Marathi 5: सर्व एलिमिनेटेड सदस्यांची घरात…

बाजार रंग : बाजाराचा उत्साह टिकेल का?

‘महाभारत’च्या टायटल गाण्यावर थिरकल्या मुली, डान्स स्टेप्स अन् चेहऱ्यावरील हावभाव पाहून तुमच्याही अंगावर येईल शहारा

BMW CE 02 इलेक्ट्रिक स्कूटर ऑक्टोबरमध्ये होणार लाँच; जाणून घ्या किंमत आणि फिसर्च

टाटाचा नाद करायचा नाय! नव्या अवतारात लॉन्च झाली ही सीएनजी कार, पॉवरफुल इंजिन अन् मायलेजसह किंमतही कमी

मस्क यांचा नवीन निर्णय; ‘एक्स’वर एखाद्याला ब्लॉक केल्यानंतरही दिसणार पोस्ट, काय आहेत धोके?

रुसलेल्या गर्लफ्रेंडला मनविण्यासाठी तरुणानं भर रस्त्यात काय केलं पाहा; सगळेच पाहू लागले अन् शेवटी…, VIDEO झाला व्हायरल

पुढे ती म्हणते, ” आज माझ्याकडून दोन रुपये घेणार असे हजारो लोक माझ्यासारखे मेट्रोमधून प्रवास करतात. दोन दोन रूपये कसे चालणार. एक काम करा माझ्याकडे १५ रुपये आहे तर हे १५ रुपये घ्या आणि तीन रुपये मला सुट द्या. मग ते म्हणाले असं कसं चालेल. हिशोब द्यावा लागतो. मग मी म्हणाले माझ्यासारखे जे लोक दोन दोन रुपये ठेवून जातात त्यांच्याकडून मॅनेज करा. त्यांनी ते नाकारलं त्यानंतर मी माझा मोबाईल काढला आणि व्हिडीओ करते आणि सगळीकडे व्हायरल करते म्हणाले तेव्हा लगेच त्यांच्याकडे दोन रुपये सुट्टे आले.”

हेही वाचा : “रेल्वेच्या एसी डब्यात चढता येईना, चिडलेल्या प्रवाशाने रागात फोडली दरवाज्याची काच, व्हिडीओ होतोय तुफान व्हायरल

पुढे ही तरुणी म्हणते, ” खरंच पुणे मेट्रो स्टेशन जे पाहतात त्यांना एक विनंती आहे जे लोक तिकीट काउंटरला बसतात त्यांना मार्गदर्शन करा कारण त्यांना कुठे जायचं असं विचारल्यानंतर ते नीट उत्तर सुद्धा देत नाही आणि दुसरी गोष्ट अशा सुट्ट्या पैशांचा गोंधळ करतात. एक तर तिथे चॉकलेटचे डबे ठेवा. सुट्टे पैसे नाही तर चॉकलेट घेऊन जा, तो प्रकार तरी करा. किती आणि कुठून कुठून छापणार आहात तुम्ही सामान्य माणसांकडून.. एक एक दोन रुपयांसाठी मेहनत करतात लोक”

pragati_sharanya या इन्स्टाग्राम अकाउंटवरून व्हिडीओ शेअर करण्यात आला असून या तरुणीचे नाव प्रगती सांगळे आहे. ती एक व्हिडीओ क्रिएटर असून हजारो लोक तिला फॉलो करतात. व्हिडीओवर अनेक युजर्सनी संताप व्यक्त केला आहे. एका युजरने लिहिलेय, “या सर्व गोष्टींना कोण जबाबदार आहेत तेच कळत नाही” तर एका युजरने लिहिलेय, “जो प्रामाणिकपणे ८ तास घाम गाळून काम करतो, त्यालाच एक रुपयांची किंमत कळते” आणखी एका युजरने लिहिलेय, “ही पोरगी राव धाडसी आहे मानलं बरं का” अनेक युजर्सनी या तरुणीचे कौतुक केले आहेत.