भगवान शंकराच्या मंदिरात नतमस्तक झाली शेळी; भक्तीचे अनोखे रूप दाखवणारा हा Viral Video पाहाच

व्हायरल होणार हा व्हिडीओ उत्तरप्रदेशातील कानपुरच्या आनंदेश्वर मंदिरातील आहे. या व्हिडीओमध्ये आपण पाहू शकतो की मंदिरात आरती सुरु असून सर्व भक्त देवासमोर हात जोडून उभे आहेत. याचदरम्यान ही शेळीही भक्तीमध्ये तल्लीन झालेली दिसते. मंदिरातील एका भक्ताने हा व्हिडीओ रेकॉर्ड केला आहे.

डेविड जॉन्सन या ट्विटर युजरने हा व्हिडीओ शेअर केला आहे. त्याने आपल्या कॅप्शनमध्ये म्हटलंय, ‘कानपूरमधील परमत मंदिरातून श्रद्धेचे अप्रतिम चित्र समोर आले आहे. येथे एक शेळी भगवान आनंदेश्वरांच्या आरतीमध्ये श्रद्धेने गुडघे टेकलेली दिसते.’ या व्हिडीओवर नेटकऱ्यांनी अनेक प्रतिक्रिया दिल्या आहेत. अनेक युजर्स या घटनेला चमत्कारी म्हणत आहेत.