Viral Video News : आजी आणि नातवंडाचे नाते जगावेगळे असते. ती अशी व्यक्ती असते जी नातवंडावर जीवापाड प्रेम करते. त्यांच्या आनंदासाठी वाट्टेल ते करते. त्यांच्याबरोबर लहान होऊन कधी खेळते तर कधी हसते. नातवंडाच्या छोट्या छोट्या गोष्टींवर ती आनंद व्यक्त करते.
सध्या असाच एक व्हिडीओ व्हायरल होत आहे. या व्हिडीओमध्ये तुम्हाला दिसेल की नातवाने गाडी खरेदी केल्यानंतर आजीच्या आनंदाला पारावा नव्हता.नातवाबरोबर फोटो काढण्यासाठी आजी थेट गाडीवर चढली. व्हिडीओ पाहून तुम्हालाही हसू येईल. काही लोकांना व्हिडीओ पाहून त्यांच्या आजीची आठवण येईल. सध्या हा व्हिडीओ चांगलाच व्हायरल होत आहे. (Viral video new in marathi)
नातवाबरोबर फोटो काढण्यासाठी आजी थेट गाडीवर चढली
या व्हायरल व्हिडीओमध्ये तुम्हाला दिसेल की एक नातवाने नवीन कार खरेदी केली आहे. आणि या गाडीच्या मागच्या काचेवर त्याने आजीबरोबरचा एक फोटो लावला आहे आणि आजीचे नाव लिहिलेय, “सुंदरा आजी” व्हिडीओत तुम्हाला दिसेल की आजी गाडीवर चढताना दिसत आहे. आजीला फोटो काढताना पाहून नातू म्हणतो, “अगं पडशील चढू नको” त्यावर आजी नातवाला गप करत गाडीवर चढते. आणि त्यानंतर गाडीवर बसून नातवाबरोबर फोटो काढते. सध्या हा व्हिडीओ चांगलाच व्हायरल होत आहे. या व्हिडीओवर लिहिलेय, “आजी जोमात , नातू कोमात”
हेही वाचा : शौचास बसलेल्या व्यक्तीच्या शरीराला भलामोठ्या अजगराचा विळखा अन् गिळणार तितक्यात…; जंगलातील धडकी भरविणारा Video Viral
पाहा व्हायरल व्हिडीओ
sundarabai1948 या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “गप अय कडू मला गाडीवर बसायचंय” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “आजच्या काळातली सगळ्यात सुखी आणि समाधानी आजी. नशीब लागतंय असा नातू मिळायला” तर एका युजरने लिहिलेय, “तु खुप नशीबवान आहे भावा तुझ्याबरोबर आजी आहे तुझा व्हिडिओ बघितल्यावर मला माझी आजी आठवते” आणखी एका युजरने लिहिलेय, “खरच खूप छान वाटतं. तुमचे व्हिडीओ बघून मी सुद्धा माझ्या आजीला असाच जीव लावायचो . आज पंधरा वर्ष झाले, माझी आजी मला सोडून जाऊन.”
