हिंदू धर्मात लग्नाच्या वेळी अनेक रुढी परंपरा पाळल्या जातात. या रुढी परंपरांना विशेष महत्त्व आहे. हिंदू धर्मातील परंपरेनुसार लग्नाच्या वेळी नवरदेव घोडीवर बसून येतो. तुम्ही अनेकदा पाहिले असाल की लग्नाच्या वरातीत नवरदेव घोडीवर वाजत गाजत येतो. सध्या असाच एक व्हिडीओ व्हायरल होत आहे. या व्हिडीओमध्ये नवरेदेवाने चक्क खेळण्यातील घोड्यावर एन्ट्री केली आहे.वरातीचा हा व्हिडीओ सध्या चांगलाच चर्चेत आहे.
हा व्हायरल व्हिडीओ एका लग्नातील आहे. या व्हिडीओमध्ये नवरदेवाची वरात दिसत आहे. नवरदेव घोड्यावर बसलेला दिसत आहे पण आश्चर्याची बाब म्हणजे घोडा हा खरा नसून खेळण्यातील आहे. हा अनोखा घोडा पाहून तुम्हीही थक्क व्हाल. वरातील एकाने नवरदेवाच्या डोक्यावर छत्री पकडली आहे तर काही लोक वरातीत नाचताना सुद्धा दिसत आहे.ही अनोखी वरात सध्या चर्चेचा विषय ठरली आहे.
हेही वाचा : “वेड्या बहिणीची वेडी रे माया…” गाणं गाताना चिमुकलीने आईला विचारले, मला वेडी बोलली…? मजेशीर VIDEO व्हायरल
imjustbesti या इन्स्टाग्राम अकाउंटवरुन हा व्हिडीओ शेअर करण्यात आला असून या व्हिडीओवर अनेक मजेशीर प्रतिक्रिया आल्या आहेत. एका युजरने लिहिलेय, “मला हे खूप आवडलं” तर दुसऱ्या एका युजरने लिहिलेय, “नवीन पद्धत” काही युजर्सनी या व्हिडीओवर हसण्याचे इमोजी शेअर केले आहेत.
