Viral Video : सोशल मीडियावर अनेक डान्स व्हिडीओ व्हायरल होत असतात. लहानांपासून मोठ्यांपर्यंत अनेक जण डान्स व्हिडीओ शेअर करत असतात. काही लोकं तर चक्क स्टेशनवर किंवा मेट्रो किंवा रेल्वेमध्ये डान्स करताना दिसतात. सध्या असाच एक व्हिडीओ व्हायरल होत आहे. या व्हिडीओमध्ये मित्र-मैत्रीणींचा एक ग्रुप चक्क स्टेशनवर डान्स करताना दिसत आहे. त्यांचा हा डान्स पाहून तुम्हीही थक्क व्हाल. हा व्हायरल व्हिडीओ दिल्ली रेल्वे स्टेशनवरील आहे. या व्हिडीओत चार मुली आणि दोन मुलं लोकप्रिय बॉलीवूड गाण्यावर डान्स करताना दिसत आहे. कुछ कुछ होता या चित्रपटातील कोई मिल गया या गाण्यावर हे मित्र मंडळी भन्नाट डान्स करताना दिसत आहे. त्यांचा हा ग्रुप पाहून तुम्हालाही तुमच्या मित्र मैत्रीणींची आठवण येऊ शकते. हेही वाचा : बहीण ही नेहमी दुसरी आई असते! चिमुकल्या भावाबरोबर शाळेत जातानाचा व्हिडीओ होतोय व्हायरल teju.s216 या इन्स्टाग्राम अकाउंटवरुन हा व्हिडीओ शेअर करण्यात आला असून या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, "खूप छान डान्स" तर एका युजरने लिहिलेय, "सर्व मित्र खूप गोड आहेत" आणखी एका युजरने लिहिलेय, "अशी गँग भेटायला पाहिजे आयुष्यात"
