Viral Video : नवरा बायकोचे नाते हे जगावेगळे असतात. या नात्यात प्रेम, काळजी जिव्हाळा दिसून येतो. एकमेकांना सहकार्य करुन आणि एकमेकांना समजून घेऊन हे नातं अधिक दृढ होत जाते. आज महिला प्रत्येक क्षेत्रात खांद्याला खांदा लावून काम करताहेत. अशावेळी पुरुष सुद्धा पत्नीला घरकामात मदत करताना दिसून येतात. सध्या असाच एक व्हिडीओ व्हायरल होत आहे. या व्हिडीओमध्ये एक तरुण बायकोला मदत करताना दिसत आहे. विशेष म्हणजे हा तरुण गावातील असून चुलीवर स्वयंपाक करणाऱ्या बायको शेजारी बसून पोळ्या लाटताना दिसत आहे. गावातील या तरुणाचा व्हिडीओ अनेकांच्या पसंतीस उतरला आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

असं म्हणतात, पुरुष स्त्री समानता ही फक्त शहरी भागातच स्वीकारली गेली आहे. आजही अनेक गाव-खेड्यात महिला आणि पुरुषमध्ये असमानता दिसून येते. गावागावात पुरुषप्रधान परंपरा दिसून येते. आजही गावातील बहूतेक पुरुष महिलांना घरकामात मदत करत नाही पण हा व्हिडीओ पाहून तुम्हीही थक्क व्हाल. कारण या व्हिडीओमध्ये हा तरुण पत्नीला मदत करताना दिसत आहे.
या व्हायरल व्हिडीओ स्वयंपाकघरातील आहे. व्हिडीओत तुम्हाला दिसेल की पती पत्नी चुली शेजारी बसलेले आहेत. पत्नी गव्हाच्या पीठाचे गोळे करुन देत आहे तर पती पोळ्या लाटताना दिसत आहे. त्यानंतर पत्नी या पोळ्या तव्यावर भाजताना दिसत आहे. दोघांच्या चेहऱ्यावर गोड हसू आणि समाधान दिसत आहे. हा व्हिडीओ पाहून अनेकांना वाटेल की नवरा असावा तर असा.

आणखी वाचा

हेही वाचा : जुगाड असावा तर असा! क्रिएटिव्हीटी वापरुन बनवले वृत्तपत्रापासून सुंदर पोशाख, विद्यार्थ्यांचा व्हिडीओ होतोय व्हायरल

waghmode_kondiram या इन्स्टाग्राम अकाउंटवरुन हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “गावठी पोरं” या व्हिडीओवर अनेक युजर्सनी प्रतिक्रिया दिल्या आहेत.एका युजरने लिहिलेय, “खूप छान काम करता येतो राव” तर एका युजरने लिहिलेय, “इन्स्टाग्रामवरील सर्वात सुंदर व्हिडीओ” आणखी एका युजरने लिहिलेय, “असा नवरा पाहिजे” अनेक युजर्सनी या जोडप्यावर प्रेमाचा वर्षाव केला आहे तर काही युजर्सनी त्यांच्या नवऱ्याविषयी तक्रारी केल्या आहेत.