अस्वलाच्या पिंजऱ्यात सफरचंदाऐवजी चुकून आयफोन फेकला आणि….

७ फेब्रुवारीला चीनमधील जिआंगसू प्रांतातील यानचेंग वन्यजीव उद्यानात ही घटना घडली. सीजीटीएनने फेसबुकवर या घटनेचा व्हिडीओ शेअर केला आहे. व्हिडीओत व्यक्ती आपला आयफोन अस्वलांसमोर फेकून देताना दिसत आहे. स्कायवॉकवर फिरत असताना व्यक्तीने आपला आयफोन फेकून दिला. खरंतर त्याला अस्वलांना खाण्यासाठी सफरचंज आणि गाजरं फेकायची होती. पण चुकून त्याने आयफोन फेकून दिला.

आयफोन फेकल्यानंतर अस्वलांनाही थोड्या वेळासाठी काहीतरी खायला मिळालं आहे असं वाटतं आणि वास घेण्यास सुरुवात करतात. यानंतर एक अस्वल आयफोन तोंडात उचलून घेतो आणि तेथून निघून जातो. आता आपला आयफोन परत मिळणार नाही असंच त्या पर्यटकाला वाटलं असावं. पण उद्यानातील कर्मचाऱ्यांनी मदत करत आयफोन पुन्हा मिळवून दिला.