Viral Video : सोशल मीडियावर विविध प्रकारचे व्हिडीओ व्हायरल होत असतात. कधी मजेशीर व्हिडीओ व्हायरल होतात तर कधी थक्क करणारे व्हिडीओ व्हायरल होतात. काही व्हिडीओ इतके धक्कादायक असतात की अंगावर काटा येतो. विशेष म्हणजे अपघाताचे व्हायरल व्हिडीओ पाहून तर थरकाप उडतो. सध्या असाच एक व्हिडीओ व्हायरल होत आहे.
या व्हिडीओमध्ये एका व्यक्तीनी स्वत:चा जीव धोक्यात घालून कुत्र्याचा जीव वाचवला आहे. या व्हायरल व्हिडीओमध्ये तुम्हाला दिसेल की रेल्वे रुळावर उभा असलेल्या कुत्र्याला वाचवण्यासाठी ही व्यक्ती रेल्वे समोरुन येत असताना स्वत:चा जीव धोक्यात घालताना दिसत आहे. हा व्हिडीओ पाहून तुम्हीही थक्क व्हाल. कुत्रा आणि माणसाच्या मैत्रीचे अनेक उदाहरणे तुम्ही आजवर पाहिली असतील पण हा व्हिडीओ पाहून तुमच्याही अंगावर काटा येईल. व्हिडीओतील व्यक्तीनी कुत्र्याला मरणाच्या दारातून वाचवले.
या व्हायरल व्हिडीओ रेल्वे रुळावरील आहे. या रेल्वे रुळावर कुत्रा उभा असलेला दिसत आहे आणि अचानक समोरुन रेल्वे येते तेव्हा रेल्वे समोर येताना पाहून सुद्धा कुत्रा काहीच हालचाल करत नाही आणि रुळावरच उभा राहतो तेव्हा एक व्यक्ती धावून येते आणि रेल्वे काही अंतरावर असताना स्वत:चा जीव धोक्यात घालून कुत्र्याला वाचवण्यासाठी रेल्वे रुळाकडे धावताना दिसते. पुढे व्हिडीओत तुम्हाला दिसेल की को मोठ्या हुशारीने ही व्यक्ती रेल्वे रुळावरुन कुत्र्याला बाजूला घेऊन येते. ज्यावेळी ही व्यक्ती कुत्र्याला चालत्या रेल्वेसमोरुन बाजूला ओढते, तो क्षण पाहून कुणाच्याही अंगावर काटा येईल. सध्या हा व्हिडीओ चांगलाच व्हायरल होत आहे.
VisionaryVoid या एक्स अकाउंटवरुन हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “एका माणसाने कुत्र्याला रेल्वे अपघातात वाचविले.” या व्हिडीओ अनेक लोकांनी प्रतिक्रिया दिल्या आहेत. एका युजरने लिहिलेय, “खरंच ही व्यक्ती खूप चांगली आहे.” तर एका युजरने लिहिलेय, “याला म्हणतात खरा हिरो” काही युजर्सनी हा व्हिडीओ खोटा असल्याचा आरोप केला आहे.
