सध्या देशभरात पावसाचे वातावरण आहे. सगळीकडे सतर्क राहण्याच्या सूचना देण्यात आल्या आहेत. काही ठिकाणी वादळी पाऊस; तर काही ठिकाणी विजांच्या कडकडाटासह मुसळधार पाऊस पडत आहे. अशातच सध्या सोशल मीडियावर हैदराबाद येथील एक व्हिडीओ व्हायरल होत आहे. या व्हिडीओमध्ये रस्त्यावर वीज पडतानाची दृश्ये कैद झाली आहेत.
काही दिवसांपासून हैदराबाद येथे मुसळधार पाऊस सुरू आहे. पावसामुळे अनेक भागांमध्ये पाणी साचले आहे. काही ठिकाणी झाडे-झुडपेही पडल्याच्या घटना समोर आल्या आहेत. काही दिवसांपूर्वी हैदराबादच्या अत्तपूर येथे विजांच्या कडकडाटासह मुसळधार पाऊस पडला. त्यादरम्यानचा वीज पडतानाचा हा व्हिडीओ सध्या चांगलाच चर्चेत आहे.
हेही वाचा : Beach Lovers, समुद्री किनारी जाताना काळजी घ्या, नाहीतर असा अपघात होऊ शकतो, पाहा अंगावर शहारा आणणारा व्हिडीओ
या व्हिडीओत तुम्हाला दिसेल की, भररस्त्यावर वीज कशी पडली? व्हिडीओत तुम्ही पाहू शकता की, एक तरुण दोनदा रस्ता ओलांडून जातो आणि काही क्षणांतच रस्त्यावर वीज पडते. सुदैवाने काही सेकंदापूर्वी रस्ता ओलांडून जाणारा हा तरुण थोडक्यात बचावला. अंगावर काटा आणणारा हा व्हिडीओ आहे.
@revathitweets या इन्स्टाग्राम अकाउंटवरून हा व्हिडीओ शेअर करण्यात आला असून, या व्हिडीओच्या कॅप्शनमध्ये सांगितले आहे की, या घटनेत कोणालाही दुखापत झालेली नाही. या व्हिडीओवर अनेक युजर्सनी प्रतिक्रिया दिल्या आहेत.
एका युजरने लिहिले, “देव खरंच खूप महान आहे.” तर एका युजरने लिहिलेय, “काय नशीब म्हणावं तरुणाचं; थोडक्यात वाचला” आणखी एका युजरने लिहिलेय, “अंगावर काटा आणणारा हा व्हिडीओ होता.”
