किल्ले रायगडवर रविवारी संध्याकाळी ढगफुटी सदृश्य परिस्थिती निर्माण झाली होती. गडाच्या किल्ल्यावरून मोठ्या प्रमाणात आणि मोठ्या वेगाने पाणी वाहत असल्याचे व्हिडीओ सोशल मीडियावर व्हायरल झाले. व्हिडीओमध्ये वर्षाविहाराचा आनंद घेण्यासाठी रायगडाला भेट देणारे पर्यटक अडकल्याचे दिसत होते. पाण्याचा वेग इतका जास्त होता की त्याबरोबर एखादी व्यक्ती सहज वाहून जाऊ शकते. मोठ्या प्रयत्नाने लोक जीव मुठीत घेऊन उभे असलल्याचे दिसत होते. दरम्यान आता रायगडवरील पावसाचे रौद्र रुप दर्शवणारा आणखी एक व्हिडीओ समोर आला आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

रायगडाचे रौद्र रुप पाहून अंगावर येईल शहारा

व्हायरल व्हिडीओमध्ये रायगड किल्याच्या पायऱ्यांवरून मोठ्या वेगाने पाणी वाहताना दिसत आहे. हिरव्यागार डोंगरामधून वाट मिळेल तेथून मोठ्या वेगाने वाहणारे धबधबे दिसत आहे. बुरुज आणि कड्यांवरून पाण्याचा प्रवाहाचा जोरदार आहे की जो पाहून अंगावर काटा उभा राहील. गडावर काही ठिकाणी पर्यटक अडकल्याचे दिसत आहे.

आणखी वाचा

हेही वाचा – ९ वर्षांच्या चिमुकलीचे गाणे ऐकून आनंद महिंद्राचे डोळे आले भरून, केले तोंडभरून कौतूक; पाहा Viral Video

येथे पाहा व्हिडीओ

गड किल्यांना भेट देताना काळजी घ्या

इंस्टाग्रामवर _.amol.__96kनावाच्या अकाऊंटवरून हा व्हिडीओ पोस्ट करण्यात आला आहे. व्हिडीओ पोस्ट करताना कॅप्शनमध्ये लिहिले आहे की, “सह्याद्री कधी त्याचे भीषण असे रौद्र रुप दाखवेल काही सांगता येत नाही, तरीही किल्ल्यांवर जाताना काळजी घ्या. पावसाचा अंदाज घेऊन तुमचे प्लॅन करा.”

हेही वाचा – “सून असावी तर अशी!” ‘या’ आहेत आजकालच्या सासूच्या अपेक्षा, प्रत्येक सुनेने पाहिला पाहिजे हा Viral Video

व्हायरल व्हिडीओ पाहून नेटकरी थक्क झाले आहेत. व्हिडीओवर कमेंट करताना एका युजरने लिहिले की, या सरकारने महाराजांच्या गडकिल्यांकडे लक्ष द्यायला हवं. स्वार्थी हरामखोर राजकारणी गडकिल्यांची अवस्था पाहून सह्याद्रीने रौद्र रूप धारण केले आहे आता तरी जागे व्हा.” दुसऱ्याने लिहिले, “छत्रपती शिवाजी महाराजांनी उगाचच हिंदवी तख्त म्हणून रायगडाची निवड केली नाही. पावसाळी काळ , सावित्री, गांधारी या सर्व नद्या पूर्ण क्षमतेने वाहतात आणि आपोआपच गड हा पावसाळी ३ ते ४ महिने सुरक्षित राहतो. हे त्यातीलच एक उदाहरण आहे बाकी काही नाही!” तिसऱ्याने लिहिले की, “खरा अर्थ असा आहे की,”देवाने रायगडाचे पाण्याने अभिषेक केला.” चौथ्याने लिहिले की,”चला वर्षभर केलेला कचरा आणि कचरा करणारे कचरा लोक थोडे दिवस लांब राहतील रायगडा पासून”

किल्ले रायगडावर ढगफुटी सदृश्य पाऊस

पावसाचे स्वरुप लक्षात घेता ८ जुलै पासून म्हणजेच आजपासून रायगड किल्ला पर्यटकांकरिता बंद करण्यात आलेला आहे. रायगड किल्ल्यावर पायी जाणारा चित्त दरवाजा व नाणे दरवाजा मार्ग बॅरीकेटिंग करून बंद करण्यात आला आहे, यासाठी पोलीस बंदोबस्त नेमण्यात आला आहे.